قازاقستاندىق بوكسشى گەنناديي گولوۆكين كاميل شەرەمەتامەن جەكپە-جەك الدىنداعى باسپاسٶز كونفەرەنتسيياسىندا بٸرقاتار سۇراقتارعا جاۋاپ بەردٸ, دەپ حابارلايدى "ۇلت اقپارات" Sports.kz رەسۋرسىنا سٸلتەمە جاساپ.
سپورتشىنىڭ سٶزٸنە سەنسەك, ول وسى ايقاستى لايىقتى ٶتكٸزٸپ, جەڭٸسكە جەتۋ ٷشٸن بار كٷشٸن سالادى. ٶيتكەنٸ گولوۆكين ورتا سالماقتاعى ەلەم چەمپيونى اتاعىن جيىرما بٸرٸنشٸ مەرتە قورعايىن دەپ وتىر. ال بۇل دەگەنٸمٸز - وسى ديۆيزيونداعى رەكورد.
«بۇل جەكپە-جەك — مەن ٷشٸن بوكس تاريحىندا ەلەۋلٸ ٸز قالدىرۋ مٷمكٸندٸگٸ. مەن وسى دەڭگەيگە جەتٸپ, وسىنداي دەرەجەگە كٶتەرٸلگەنٸمدٸ ماقتان ەتەمٸن. ەندٸ ماعان ۇزاق ۋاقىتتان بەرٸ ەشكٸمنٸڭ قولىنان كەلمەگەن رەكوردتى جاڭارتاتىن زور مٷمكٸندٸك تۋىپ تۇر. جاڭا رەكورد جاساۋ - ەر سپورتشى ٷشٸن ٷلكەن جەتٸستٸك. دەمەك, شىنىمەن دە ارمانىما جەتۋگە نەبەرٸ بٸر قادام قالىپ تۇر» دەپ اتاپ ٶتتٸ قازاقستاندىق بوكسشى.
گولوۆكيننٸڭ ايتۋىنشا, ول ٶزٸنٸڭ قازٸر قانداي جاعدايدا ەكەنٸن جاقسى بٸلەدٸ.
«ەرينە, مەن ٶزٸمنٸڭ قازٸرگٸ جاعدايىمدى تٷسٸنەمٸن. سوندىقتان وسى ايقاسقا بارىنشا بايىپپەن قاراپ, زور دايىندىقپەن كەلٸپ وتىرمىن. مەن ٶزٸمنٸڭ بار شەبەرلٸگٸمدٸ سالىپ, جاقسى ويىن كٶرسەتۋگە تىرىسامىن. بۇرىننان ايتىپ جٷرگەنٸمدەي, سٸزدەر جۇما كٷنٸ Big Drama Show تاماشالايسىزدار» دەدٸ GGG باسپاسٶز كونفەرەنتسيياسىندا.
