ورتا سالماقتاعى IBF, IBO چەمپيونى گەنناديي گولوۆكيننٸڭ (41-1-1, 36 كو) بۇرىنعى جاتتىقتىرۋشىسى ابەل سانچەس مەكسيكالىق ساۋل كانەلو الۆارەسپەن (57-1-2, 39 كو) ەكٸنشٸ جەكپە-جەكتە قازاقستاندىق بوكسشىدان نە كٷتكەنٸن ايتتى. بۇل تۋرالى "چەمپيونات" BoxingScene سايتىنا سٸلتەمە جاساپ جازدى, دەپ حابارلايدى Tengrinews.kz اگەنتتٸگٸ.
جەكپە-جەك 2018 جىلدىڭ قىركٷيەگٸندە ٶتكەن ەدٸ, تٶرەشٸلەر جەڭٸستٸ مەكسيكالىققا بەردٸ. سانچەس اقتىق شەشٸم قالاي قابىلدانعانىن ايتتى.
"كانەلو فيزيكالىق تۇرعىدان دا, اقىل-وي جاعىنان دا ٶتە مىقتى. ول سەنٸ كٶزدەسە, باسقا جاۋىنگەرگە اينالادى. بٸرٸنشٸ جەكپە-جەكتە گولوۆكين مەن قالاعانداي تٶبەلەستٸ. ول رينگكە شىعىپ, ايقاستى. ەكٸنشٸ جەكپە-جەكتە بوكسشى بولىپ, شەبەرلٸكپەن جەڭگٸسٸ كەلدٸ.
تٶرەشٸ سەنٸڭ ارتقا شەگٸنٸپ بارا جاتقانىڭدى كٶرگەندە, ول سانالى تٷردە قارسىلاس سەنٸ ۇرىپ جاتىر دەپ ويلاي باستايدى. مەنٸڭ ويىمشا, مۇنداي جاعداي ەكٸنشٸ جەكپە-جەكتٸڭ تٶرتٸنشٸ راۋندىندا بولدى. مەن گەننادييگە "سەن بۇل جٸگٸتپەن بوكستاسپا, ونىمەن ايقاسۋىڭ كەرەك" دەپ ايعايلادىم. مەنٸڭ ويىمشا, ول بەرٸنە بوكس تەحنيكاسى جاعىنان ٷزدٸك ەكەنٸن دەلەلدەگٸسٸ كەلدٸ", - دەدٸ سانچەس.
