ەكٸنشٸ ورتا سالماقتا ەلەمنٸڭ ابسوليۋت چەمپيونى مەكسيكالىق ساۋل "كانەلو" الۆارەس (57-2-2, 39 كو) قىركٷيەك ايىندا قازاقستاندىق گەنناديي گولوۆكينمەن (42-1-1, 37 كو) كەزدەسەتٸن بولدى, دەپ حابارلايدى "ۇلت اقپارات" Vesti.kz سايتىنا سٸلتەمە جاساپ.
تريلوگييا 17 قىركٷيەك كٷنٸ ٶتەدٸ. بوكسشىلار ەكٸنشٸ ورتا سالماقتا جۇدىرىقتاسپاق. بۇل ايقاستا مەكسيكالىق ٶزٸنە تيەسٸلٸ بارلىق بەلبەۋٸن قورعايدى.
"It’s official! See you on September 17. نادەيۋس, ۋۆيديمسيا 17 سەنتيابريا. رەسمي. 17 قىركٷيەكتە كەزدەسكەنشە", - دەپ جازدى گولوۆكين ەلەۋمەتتٸك جەلٸسٸندە.
بوكسشىلاردىڭ وسىعان دەيٸنگٸ كەزدەسۋلەرٸ ورتا سالماقتا ٶتكەن ەدٸ. 2017 جىلعى جەكپە-جەك تەڭ اياقتالسا, بٸر جىلدان كەيٸن تٶرەشٸلەر مەكسيكالىقتىڭ جەڭٸسٸن تٸركەدٸ.
ەسكە سالايىق, "كانەلو" 8 مامىر كٷنٸ جارتىلاي اۋىر سالماقتا WBA بەلبەۋٸنٸڭ يەگەرٸ رەسەيلٸك دميتريي بيۆولدان (20-0, 11 كو) جەڭٸلٸپ قالدى.
ال گولوۆكين بولسا ريوتو مۋراتانى (16-3, 13 كو) جەڭٸپ, جاپونييالىقتىڭ WBA Super بەلبەۋٸن يەلەندٸ.
