قازاقستاندىق كەسٸپقوي بوكسشى گەنناديي گولوۆكين امەريكالىق دەنيەل دجەيكوبسپەن كەزدەسٸپ, ۇپاي سانىمەن جەڭٸسكە جەتتٸ.
اقش-تىڭ نيۋ-يورك قالاسىنداعى ەيگٸلٸ Madison Square Garden ارەناسىندا ٶتكەن جەكپە-جەك تارتىستقا تولى بولدى. العاشقى راۋندتاردا قوس بوكسشى بٸر-بٸرٸن بارلاپ, وسال تۇستارىن اڭدىپ باقتى. گەنناديي جەكپە-جەك باستالعاننان بٸرٸنشٸ نٶمٸردە جۇدىرىقتاسىپ, دجەيكوبستى تىقسىرا باستادى. ال, امەريكالىق بوكسشى ساۋاتتى قورعانىپ, ق سوققىلار جۇمساۋعا تىرىستى. 4-راۋندتا قازاقستاندىق بوكسشى وڭ قولىمەن اۋىر سوققى جۇساپ, دەنيەلدٸ نوكداۋنعا تٷسٸردٸ. الايدا تەز ەسٸن جيىپ, جەكپە-جەكتٸ ەرٸ قاراي جالعاستىردى. جەكپە-جەك 12 راۋندقا دەيٸن سوزىلىپ, جەڭٸمپاز قازىلار القاسىنىڭ شەشٸمٸمەن انىقتالدى.
ورتا سالماقتا WBA (Super), IBO, WBC جەنە IBF تۇجىرىمدارى بويىنشا ەلەم چەمپيونى, جەرلەسٸمٸز گەنناديي گولوۆكين ٶز اتاقتارىن قورعاپ قالدى. بۇل وتانداسىمىزدىڭ 37-شٸ جەڭٸسٸ. گولوۆكين سپورتتىق مانسابىندا 36 كەزدەسۋدە جەڭٸسكە جەتٸپ, بٸردە-بٸرەۋٸندە جەڭٸلٸپ كٶرمەگەن.
بۇل جەكپە-جەكتٸ HBO ارناسى اقىلى ترانسلياتسييالار جٷيەسٸ (PPV) ارقىلى كٶرسەتتٸ.
