فۋتبولدان ەۋروپا ليگاسى: جارتىلاي فينالعا قاي كوماندالار شىعادى?

بٷگٸن, 15 سەۋٸردە فۋتبولدان UEFA ەۋروپا ليگاسى 1/4 فينالى قارىمتا ويىندارى باستالادى, دەپ حابارلايدى "ۇلت اقپارات".

بٷگٸنگٸ ويىنداردا «روما» (يتالييا) مەن «اياكس» (نيدەرلاندى), «مانچەستەر يۋنايتەد» (انگلييا) پەن «گرانادا» (يسپانييا), «ۆيلياررەال» (يسپانييا) مەن «دينامو زاگرەب» (حورۆاتييا), «سلاۆييا پراگا» (چەحييا) مەن «ارسەنال» (انگلييا) كوماندالارى شەبەرلٸك بايقاسادى. 

ەستەرٸڭٸزگە سالا كەتەلٸك, بۇدان بٸر اپتا بۇرىن كوماندالار جارىستىڭ اتالعان ساتىسىنداعى العاشقى ويىنداردى ٶتكٸزدٸ. ٶز الاڭىندا «روما» «اياكستى» 2:1, «ۆيلياررەال» «دينامو زاگرەبتٸ» 1:0, «مانچەستەر يۋنايتەد» «گرانادانى» 2:0 ەسەبٸمەن تٸزەبٷكتٸردٸ. ال «ارسەنال» ٶز الاڭىندا «سلاۆييا پراگامەن» 1:1 ەسەبٸمەن تەڭ تٷستٸ.

ەۋروپا ليگاسىنىڭ فينالى پولشانىڭ گدانسك قالاسىنداعى «گدانسك ارەنا» ستاديونىندا 26 مامىردا ٶتكٸزٸلەدٸ. 

2020 جىلى ەۋروپا ليگاسىندا يسپانييانىڭ «سەۆيليا» كومانداسى چەمپيون اتاندى.