فۋتبولدان 2020 جىلعى ەۋروپا چەمپيوناتى فينالدىق كەزەڭٸندە باق سىنايتىن بارلىق قۇراما انىقتالدى, دەپ حابارلايدى "ۇلت اقپارات".
بۇدان بۇرىن وعان قاتىساتىن 20 قۇراما بەلگٸلٸ بولدى. قالعان تٶرت قۇراما 12 قاراشادا ٶتكەن قوسىمشا ويىندار ارقىلى ناقتىلاندى. اتالعان ويىنداردا ۆەنگرييا يسلاندييانى, سلوۆاكييا سولتٷستٸك يرلاندييانى 2:1 ەسەبٸمەن جەڭدٸ. ٶز الاڭىندا گرۋزييا سولتٷستٸك ماكەدونييادان 0:1 ەسەبٸمەن ەسە جٸبەردٸ. ال شوتلاندييا جەنە سەربييا اراسىنداعى كەزدەسۋدٸڭ نەگٸزگٸ كەزەڭٸ 1:1 ەسەبٸمەن اياقتالىپ, پەنالتيدەن شوتلاندييالىق قۇرامانىڭ جولى بولدى.
ەۋروپا چەمپيوناتى فينالدىق كەزەڭٸندە باق سىنايتىن قۇرامالار تٶمەندەگٸشە توپقا بٶلٸندٸ.
ا توبى: يتالييا, تٷركييا, ۋەلس, شۆەيتسارييا
ۆ توبى: بەلگييا, رەسەي, دانييا, فينلياندييا
س توبى: ۋكراينا, نيدەرلاندى, اۆسترييا, سولتٷستٸك ماكەدونييا
D توبى. انگلييا, حورۆاتييا, چەحييا, شوتلاندييا
ە توبى: يسپانييا, شۆەتسييا, پولشا, سلوۆاكييا
F توبى گەرمانييا, پورتۋگالييا, فرانتسييا, ۆەنگرييا.
ەۋروپا چەمپيوناتىنىڭ فينالدىق كەزەڭٸ 2020 جىلدىڭ 12 ماۋسىم - 12 شٸلدە ارالىعىندا ٶتكٸزٸلۋٸ تيٸس بولاتىن. كوروناۆيرۋس ينفەكتسيياسىنا بايلانىستى ول 2021 جىلعا شەگەرٸلدٸ. ويىندار ەۋروپانىڭ 12 مەملەكەتٸندەگٸ ستاديونداردا بولادى.
