روجدەستۆو مەرەكەسٸنە بٸرنەشە اپتا قالعاندا ەۋروپانىڭ كەيبٸر ەلدەرٸ شەكتەۋ شارالارى جۇمسارىپ قالار دەپ ٷمٸتتەنٸپ وتىر.
بٶلشەك ساۋدا مەن قىزمەت كٶرسەتۋ سالاسى ٸندەتكە بايلانىستى ەنگٸزٸلگەن شەكتەۋلەردەن كەيٸن شىعىنعا باتقان. ساراپشىلار بۇل ەۋروپا ەكونوميكاسىنا ايتارلىقتاي زييان كەلتٸرٸپ, ۇزاقمەرزٸمدٸ دامۋىن تەجەۋٸ مٷمكٸن دەپ قاۋٸپتەنەدٸ.
فرانتسييا پرەزيدەنتٸ ەممانۋەل ماكرون وسى اپتادا كوروناۆيرۋس احۋالىنا بايلانىستى حالىققا مەلٸمدەمە جاساپ, 30 قازاننان بەرٸ كٷشٸندە بولعان وقشاۋلاۋ ەرەجەلەرٸن جۇمسارتۋى مٷمكٸن. ويىنشىق, كيٸم, اياق كيٸم سيياقتى نەگٸزگٸ ەمەس قاجەتتٸ زاتتار ساتاتىن كەسٸپكەرلەر دٷكەندەرٸن اشىپ, سەل دە بولسا شىعىندى تولتىرامىز دەپ ٷمٸتتەنەدٸ. پرەمەر-مينيستر جان كاستەكس 21 قاراشادا "بٸرنەشە كٷن ٸشٸندە" ساۋدا ورىندارى اشىلۋى مٷمكٸن دەدٸ.
ۇلىبريتانييا پرەمەر-مينيسترٸ بوريس دجونسون انگلييادا تۇتاس وقشاۋلاۋ رەجيمٸن الىپ تاستاپ, شەكتەۋدٸڭ ٷش دەڭگەيلٸ جٷيەسٸنە كٶشۋدٸ كٶزدەپ وتىر.
پولشادا پرەمەر-مينيستر ماتەۋش موراۆەتسكيي پولياكتاردى روجدەستۆو كەزەڭٸندە ساياحاتتاماۋعا شاقىردى. مۇندا 28 قاراشادان باستاپ كەيبٸر ساۋدا ورىندارى قالىپتى رەجيمدە جۇمىس ٸستەي باستايدى.
