بٷگٸن UEFA ەۋروپا ليگاسىندا فينالعا شىققان العاشقى كوماندا بەلگٸلٸ بولدى, دەپ حابارلايدى "ۇلت اقپارات".
جارتىلاي فينالدىڭ العاشقى جۇبىندا انگلييانىڭ «مانچەستەر يۋنايتەد» جەنە يسپانييانىڭ «سەۆيليا» كلۋبتارى كەزدەستٸ. كەزدەسۋدە ەكٸ كوماندا دا تەرەزەسٸ تەڭ ويىن كٶرسەتتٸ.
ەسەپتٸ اعىلشىندىق كلۋب اشتى. ويىننىڭ 9-مينۋتىندا برۋنۋ فەرناندەش «سەۆيليا» قاقپاسىنا بەلگٸلەنگەن پەنالتيدەن مٷلت كەتكەن جوق. ال 26-مينۋتتا تارازى باسى تەڭەستٸ. «مانچەستەر يۋنايتەد» قورعاۋشىلارىنىڭ قاتەلٸگٸن يسپاندىق فۋتبولشى سۋسو شەبەر پايدالانىپ كەتتٸ. بٸرٸنشٸ كەزەڭدە ەكٸ كلۋبتا دا ەسەپتٸ ٶزگەرتەتٸن بٸرنەشە مٷمكٸندٸك بولعان ەدٸ. دەسە دە تابلوداعى ەسەپ سول كٷيٸنشە ٶزگەرٸسسٸز قالدى.
ەكٸنشٸ كەزەڭ قوس كوماندانىڭ الما-كەزەك شابۋىلىمەن باستالدى. «مانچەستەر يۋنايتەد» فۋتبولشىلارى بٸرنەشە سەتتٸ مٷلت جٸبەرٸپ الدى. ال 78-مينۋتتا «سەۆيليا» ويىنشىسى ليۋك دە يونگ ٶزٸنٸڭ كومانداسىنا جەڭٸس سىيلادى. قارسىلاسىن 2:1 ەسەبٸمەن جەڭگەن يسپاندىق كلۋب فينالعا جولداما الدى.
ەندٸ 17 تامىزدا «ينتەر» (يتالييا) مەن «شاحتەر دونەتسك» (ۋكراينا) كوماندالارى كەزدەسەدٸ.
