ەمحانالاردىڭ الدىندا ۆاكتسينا سالدىراتىن ۋاقىتشا ورىندار جاساقتالادى. بۇل تۋرالى دەنساۋلىق ساقتاۋ ۆيتسە-مينيسترٸ اجار عينييات مەلٸم ەتتٸ, دەپ حابارلايدى "ۇلت اقپارات".
«قازٸرگٸ كەزدە بارلىق ەمحانالاردا, بارشا ەكپە جاسايتىن كابينەتتەردە تيٸستٸ جۇمىستار ۇيىمداستىرىلعان. سونىمەن قاتار ادامدار كٶپتەپ جينالماس ٷشٸن, ەربٸر كٷنگە ۋچاسكەلٸك دەرٸگەرلەر ارقىلى ەكپە الامىن دەگەن ادامداردى ٶزٸنٸڭ كەزەك-كەزەگٸمەن, ۋاقىتىمەن ەمحاناعا شاقىرتىپ جاتىر», - دەدٸ عينييات ورتالىق كوممۋنيكاتسييالار قىزمەتٸندە.
ونىڭ ايتۋىنشا, قازٸر ۆاكتسينانىڭ كٶپ مٶلشەردە كەلۋٸنە بايلانىستى, كٷن جىلىنعان كەزدە ەمحانالاردىڭ الدىنا ەكپە سالدىراتىن ۋاقىتشا ورىندار جاساقتالماق.
«مينيسترلٸك تاراپىنان ۋاقىتشا ەكپە جاسايتىن ورىندارعا قاتىستى تالاپتار ەزٸرلەنٸپ جاتىر. ول بۇيرىقپەن بەكٸتٸلەتٸن بولادى. ادامدار كٶپ شوعىرلانعان قالالارداعى ەمحانالاردا, وسى نىسانداردىڭ الدىندا, باسقا دا مەديتسينالىق ۇيىمداردا جاسالادى», - دەدٸ ۆيتسە-مينيستر.
ونىڭ سٶزٸنە قاراعاندا, قالالارداعى ٸرٸ ساۋدا ورتالىقتارىندا دا ۆاكتسينالاۋ ۇيىمداستىرىلادى.
