مەرەكەلٸك دەمالىس كٷندەرٸ ەلوردانىڭ «قاراٶتكەل» كٶپٸرٸندە قۇتقارۋشىلار وقىس جاعدايعا تاپ بولعان, دەپ حابارلايدى "ۇلت اقپارات".
وقيعانىڭ مەن-جايىن نۇر-سۇلتان قالاسى تٶتەنشە جاعداي دەپارتامەنتٸنٸڭ باسپاسٶز قىزمەتٸ بىلاي دەپ باياندايدى.
«ەلوردادا دەمالىس كٷندەرٸ اپتاپ ىستىق بولعانى بەلگٸلٸ. نۇر-سۇلتان قالاسى تٶتەنشە جاعدايلار دەپارتامەنتٸنٸڭ بٶلٸمشەلەرٸ بۇل كٷندەرٸ كٷشەيتٸلگەن تەرتٸپتە جۇمىس ٸستەدٸ. تەك وسى دەمالىس كٷندەرٸ قۇتقارۋشىلار سۋدان ەكٸ ادامدى جەنە قاراٶتكەل كٶپٸرٸندە ٷش جاسٶسپٸرٸمدٸ قۇتقاردى», - دەپ جازىلعان رەسمي مەلٸمەتتە.
5 شٸلدە كٷنٸ ەۋەلٸ ٶزەننٸڭ ارعى بەتٸنە ٶتپەك بولعان ماس ەيەل قۇتقارىلعان. ال 6 شٸلدەدە قۇتقارۋشىلار ٶزەنگە باتىپ بارا جاتقان ادامدى بايقاپ, ٷرلەنگەن شەڭبەر ارقىلى جاس جٸگٸتتٸ قاۋٸپتەن اراشالاپ قالعان.
«تاعى بٸر ەرەكشە وقيعا 5 شٸلدەدە بولدى. كەلٸپ تٷسكەن حابارلاما بويىنشا قۇتقارۋشىلار شاقىرۋ ورنىنا 4 مينۋتتا جەتكەن. «قاراٶتكەل» كٶپٸرٸنٸڭ «دوعاسىنا» شىعىپ الىپ, كٷنگە قىزدىرىنىپ جاتقان جاستاردى قۇتقارۋ ٷشٸن الپينيست قۇرال-جابدىعىن پايدالانۋعا تۋرا كەلدٸ. وسىلايشا ەكٸ كٷندە بەس ادام قۇتقارىلدى», - دەپ جازادى داپەرتامەنتتٸڭ باسپاسٶز قىزمەتٸ.
نۇر-سۇلتان قالاسى تٶتەنشە جاعدايلار دەپارتامەنتٸ ازاماتتارعا سۋ قويمالارىندا بولعان كەزدە مىناداي ساقتىق شارالارىن ساقتاۋ كەرەكتٸگٸن ەسكەرتەدٸ.
- ماس كٷيدە شومىلماۋ,
- قايىق, كاتەر, ايلاقتاردان سۋعا سەكٸرمەۋ;
- تەكسەرٸلمەگەن جەنە جابدىقتالماعان جەرلەردە سٷڭگٸمەۋ;
- جٷزۋ شەكاراسىن بەلگٸلەيتٸن بەلگٸدەن اسپاۋ,
- جٷزۋگە ارنالماعان زاتتارمەن جٷزبەۋ;
- بالالاردى ەرەسەكتەردٸڭ قاراۋىنسىز سۋعا جٸبەرمەۋ.
