ەلوردادا 2011 جىلى تۋعان قىز قايتىس بولدى, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنە سٸلتەمە جاساپ.
«بيىلعى جىلدىڭ 14-شٸ قاڭتارىندا ساعات 19:33-تە كەمەلەتكە تولماعان بالانىڭ قايتىس بولعانى انىقتالدى. وقيعا ورنىندا جەدەل-تەرگەۋ توبى جۇمىس ٸستەدٸ. ولار 2011 جىلى تۋعان بالانىڭ ٷيدە وتىرعاندا ٶزٸن جايسىز سەزٸنگەنٸن انىقتادى. اتا-اناسى دەرٸگەرگە حابار بەرٸپ, مەديتسينا ماماندارى ەم قابىلداۋ قاجەتتٸگٸن ايتقان. كەلەسٸ كٷنٸ قىزدىڭ جاعدايى ناشارلاپ, ول ەسٸنەن تانىپ قالعان. جەدەل جەردەم قىزمەتٸ كەلگەنشە قىز بالا كٶز جۇمدى», - دەلٸنگەن حابارلامادا.
پوليتسييا سونىمەن قاتار اتالعان فاكتٸنٸڭ سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە ەنگٸزٸلگەنٸن ايتتى. قازٸرگٸ تاڭدا وسى وقيعا بويىنشا سوت-مەديتسينالىق ساراپتاما تاعايىندالىپ, تەرگەۋ جۇمىستارى جٷرٸپ جاتىر.
