قالالىق بٸلٸم باسقارماسى «Education Club Astana» دەپ اتالاتىن جاڭا جوبانى قولعا الدى, دەپ حابارلايدى ەلوردا ەكٸمدٸگٸنٸڭ رەسمي سايتى.
«جوبا ەر جۇما سايىن ساعات 15.00-دە بٸلٸم باسقارماسىنىڭ رەسمي @bilimastana ينستاگرام پاراقشاسىندا تٸكەلەي ەفيرگە شىعادى. «Education Club Astana» جوباسىنىڭ العاشقى قوناعى نازارباەۆ ۋنيۆەرسيتەتٸنٸڭ تٷلەگٸ, 100 جاڭا ەسٸم جوباسىنىڭ 2019 جىلعى جەڭٸمپازى, № 54 مەكتەپ-ليتسەيٸنٸڭ ديرەكتورى - سەيسەنباي شەكەرٸم تولىبايۇلى», - دەپ حابارلادى بٸلٸم باسقاراماسى.
العاشقى ەفيردٸڭ تاقىرىبى «ينتەرنەتتە وقىپ جٷر تالاي قازاق بالاسى» دەپ اتالادى. ەفير بارىسىندا قازٸرگٸ تٶتەنشە جاعداي كەزٸندەگٸ قاشىقتان وقىتۋ جۇمىستارىنا بايلانىستى ساۋالدار قويىلادى.
ەفير كەزٸندە ونلاين-اۋديتورييا ٶزدەرٸن تولعاندىرىپ جٷرگەن ساۋالداردى ەفير قوناعىنا جولداي الادى.
