ادام ٶلتٸرگەنٸ ٷشٸن – 20 جىلعا دەيٸن باس بوستاندىعىنان ايىرۋ جازاسى تاعايىندالادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىلدى, دەپ حابارلايدى قازاقپارات.
«وتباسىنداعى زورلىق-زومبىلىق قىلمىستارىنىڭ اۋقىمى كەڭ: اسا اۋىر ەمەس قىلمىس پەن زارداپ شەگۋشٸنٸ ٶلتٸرۋگە دەيٸن بارادى. جەڭٸل جەنە ورتاشا اۋىرلىقتاعى قىلمىستار ٷشٸن ەڭ جەڭٸل جازا – ەكٸ جىلعا دەيٸن باس بوستاندىعىنان ايىرىلۋ. ادام ٶلتٸرگەنٸ ٷشٸن – 20 جىلعا دەيٸن باس بوستاندىعىنان ايىرۋ جازاسى تاعايىندالادى. ەگەر قىلمىس اسا قاتٸگەزدٸكپەن جاسالعان بولسا ٶمٸر بويى باس بوستاندىعىنان ايىرۋ جازاسى قولدانىلادى», - دەيدٸ قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى الەكسەي ميليۋك.
سونىمەن قاتار, قر ٸشكٸ ٸستەر مينيسترلٸگٸ تەرگەۋ دەپارتامەنتٸنٸڭ باستىعى ەردەن شٷلدەن 2021 جىلدىڭ ٷش ايىندا رەسپۋبليكا بويىنشا 68 697 عانا قىلمىستىق قۇقىق بۇزۋشىلىق تٸركەلگەنٸن حابارلادى. ونىڭ ٸشٸندە وتباسىلىق-تۇرمىستىق سالادا - 203 قىلمىستىق قۇقىق بۇزۋشىلىق ورىن العان.
