قر دەنساۋلىق ساقتاۋ مينيسترلٸگٸ كوروناۆيرۋس ينفەكتسيياسىمەن اۋىرعاندارعا قاتىستى اقپاراتتى جارييالادى, دەپ حابارلايدى "ۇلت اقپارات".
قازٸرگٸ ۋاقىتتا كوروناۆيرۋس ينفەكتسيياسىنان 5 589 ادام ەم قابىلداپ جاتىر. ونىڭ اراسىندا 29 ٶسكٸنشەك بالا بار. ستاتسيونارلاردا 2 839 ناۋقاس جاتىر. 2 750 ادام امبۋلاتورييالىق جاعدايدا ەمدەلۋدە.
جالپى ناۋقاستاردىڭ اراسىندا 148 ادامنىڭ احۋالى ناشار. سونىڭ ٸشٸندە 16 ناۋقاستىڭ احۋالى اسا قاتتى اۋىر دەپ باعالانعان. 25 ناۋقاس ٶكپەنٸ جاساندى جەلدەتۋ اپپاراتىندا جاتىر.
قر دەنساۋلىق ساقتاۋ مينيسترلٸگٸ بۇدان بىلاي تەۋلٸكتٸك كٶرسەتكٸش تۋرالى اقپاراتتى كٷن سايىن ٷنەمٸ ٷزبەي جارييالاپ وتىرادى. بارلىق مەلٸمەت رەسمي سايتتا جەنە ۆەدومستۆونىڭ ەلەۋمەتتٸك جەلٸلەردەگٸ پاراقشالارى ارقىلى تاراتىلادى.
اتاپ ايتقاندا, ناۋقاستاردىڭ جالپى سانى جٶنٸندە, قايتىس بولۋ دەرەكتەرٸ تۋرالى جەنە دە قوعام ٷشٸن ماڭىزدى احۋالدىڭ بارلىعى رەسمي اقپارات كٶزدەرٸندە جەدەل جارييالانادى.
ال, ايماقتارداعى احۋال تۋرالى اقپاراتتى اپتا سايىن دەنساۋلىق ساقتاۋ مينيسترلٸگٸنٸڭ رەسمي ٶكٸلٸ ارنايى پرەسس-بريفينگتە حابارلاپ تۇرادى.
