قازاقستاندىق تەننيسشٸ ەلەنا رىباكينا مانسابىندا العاش رەت ەلەمدٸك رەيتينگتٸڭ كٶشٸن باستايتىن بولدى, دەپ حابارلايدى ult.kz.
رىباكينا اقش-تا ٶتٸپ جاتقان US Open تۋرنيرٸنٸڭ شيرەك فينالىندا قىتاي ٶكٸلٸ چجەن تسينۆەندٸ 3:6, 6:1, 6:4 ەسەبٸمەن جەڭٸپ, جارتىلاي فينالعا جولداما الدى. وسى جەڭٸستەن كەيٸن قازاقستاندىق سپورتشى ەلەمنٸڭ بٸرٸنشٸ راكەتكاسى اتانۋ ٷشٸن قاجەتتٸ ۇپايدى جينادى.
وسىلايشا رىباكينا رەيتينگتە ۇزاق ۋاقىت كٶش باستاپ كەلگەن بەلارۋس ٶكٸلٸ ارينا سابالەنكانى باسىپ وزادى. سابالەنكا ەلەمنٸڭ بٸرٸنشٸ راكەتكاسى مەرتەبەسٸن جالپى 107 اپتا يەلەنگەن, ونىڭ ٸشٸندە سوڭعى 99 اپتانى قاتارىنان بٸرٸنشٸ ورىندا ٶتكٸزگەن.
رىباكينا ٷشٸن بۇل – تاريحي جەتٸستٸك. ول WTA رەيتينگٸنٸڭ تاريحىندا ەلەمنٸڭ بٸرٸنشٸ راكەتكاسى اتانعان 30-شى تەننيسشٸ بولماق.
قازاقستاندىق سپورتشى US Open تۋرنيرٸنٸڭ جارتىلاي فينالىندا امەريكالىق كوري گاۋففپەن كەزدەسەدٸ. گاۋفف شيرەك فينالدا رەسەيلٸك ميررا اندرەەۆانى جەڭٸپ, كەلەسٸ كەزەڭگە ٶتتٸ.
ايتا كەتەيٸك, رىباكينا بيىل Australian Open تۋرنيرٸندە جەڭٸسكە جەتٸپ, مانسابىنداعى ەكٸنشٸ «ٷلكەن دۋلىعا» تيتۋلىن يەلەنگەن ەدٸ. ال ەندٸ ول ەلەمدٸك رەيتينگتە بٸرٸنشٸ ورىنعا كٶتەرٸلەدٸ.
ەلەنا رىباكينا – قازاقستان تاريحىنداعى ەيەلدەر تەننيسٸندەگٸ ەڭ بيٸك رەيتينگتٸك كٶرسەتكٸشكە قول جەتكٸزگەن سپورتشى.
