تانىمال ەنشٸ ديماش قۇدايبەرگەن اقش-قا كەلدٸ. نيۋ-يورك قالاسىنىڭ ەۋەجايىندا ەنشٸنٸ كٶپتەگەن جانكٷيەرٸ قارسى الدى, دەپ حابارلايدى قازاقپارات.
ەنشٸنٸڭ Instagram-داعى پاراقشاسىندا وسى سەتتەن ۆيدەو جارييالاندى.
ەنشٸنٸڭ جەكە سايتىنىڭ حابارلاۋىنشا, بەلگٸلٸ رەسەيلٸك كومپوزيتور يگور كرۋتوي ٶزٸنٸڭ مەرەيتويىنا وراي 2019 جىلدىڭ 26 قازانىندا Barclays Center-دە ٶنەر كٶرسەتپەك. ديماش قۇدايبەرگەن وسى شاراعا قوناق رەتٸندە قاتىسادى.
ەسكە سالا كەتسەك, ديماش قۇدايبەرگەن 10 جەلتوقساندا نيۋ-يوركتە (اقش) «Arnau tour ENVOY» جەكە كونتسەرتٸن ٶتكٸزەدٸ. وندا ديماش تٶرت تٸلدە ەن شىرقايدى. كونتسەرتتٸ قر مەدەنيەت جەنە سپورت مينيسترلٸگٸ اقش-تاعى قازاقستان رەسپۋبليكاسىنىڭ مەدەني كٷندەرٸ اياسىندا ۇيىمداستىرماق. ديماش 19 مىڭ كٶرەرمەنگە ارنالعان «Barclays Center» ارەناسىندا ٶنەر كٶرسەتەدٸ. كونتسەرت بيلەتتەرٸ 13 قىركٷيەكتە ساتىلا باستادى.
