11 قاراشادا ديماش قۇدايبەرگەن جاپونييانىڭ تانىمال ەنشٸسٸ, «Autumn Strong» («Don’t Go») ەيگٸلٸ كومپوزيتسيياسىنىڭ اۆتورى كودجي تاماكيعا ارنالعان «NHK Music Special» باعدارلاماسىنا قاتىسادى, دەپ حابارلايدى قازاقپارات Dimashnews.com سايتىنا سٸلتەمە جاساپ.
«NHK Music Special» – ەر اي سايىن بەلگٸلٸ ورىنداۋشىلار مەن مۋزىكانتتار شاقىرىلاتىن تانىمال باعدارلاما.
ونىڭ قاراشاداعى كەيٸپكەرٸ – جاپوندىق ەنشٸ كودجي تاماكي. ول جاپوندىق مۋزىكا يندۋستريياسىنداعى ٷزدٸك ورىنداۋشى. ەرتٸستٸڭ تەلەديداردان كٶرٸنبەي, سۇحبات بەرمەگەنٸنە بٸراز بولعان, سوندىقتان ونىڭ قاتىسۋىمەن ٶتەتٸن بۇل شىعارىلىم ەرەكشە بولماق.
بىلتىر كودجي تاماكي «Rural» وركەسترٸمەن شىعىپ, 24 جىلدا العاش رەت Kouhaku Uta Gassen مۋزىكالىق فەستيۆالٸنە قاتىسقان. ونىڭ تاماشا ەنشٸلٸك قابٸلەتٸ مەن وركەسترمەن بٸرٸگٸپ ٶنەر كٶرسەتۋٸ جاپونييادا تالقىلانعان ٷلكەن تاقىرىپقا اينالعان. كودجي تاماكي وركەسترمەن 2015 جىلى ٶنەر كٶرسەتە باستاعان. ولار جاپوندىق اۋديتورييانىڭ قوشەمەتٸنە بٶلەندٸ.
11 قاراشادا ەرتٸس «NHK» تەلەارناسىنا ەكسكليۋزيۆتٸ سۇحبات بەرگەن. سونداي-اق باعدارلاماعا ونلاين رەجيمدە قازاقستاندىق ورىنداۋشى ديماش قۇدايبەرگەن قاتىسادى.
ديماش 2017 جىلى قىتايدا ٶتكەن «I am Singer» بايقاۋىندا كودجي تاماكيدٸڭ «Autumn Strong» (تٷپنۇسقا اتاۋى «Don’t Go») ەنٸن ورىنداعان ەدٸ. باعدارلاما بارىسىندا قازاقستاندىق ەنشٸ شاعىن سۇحبات بەرٸپ, بۇل كومپوزيتسييانىڭ ەرەكشەلٸگٸ جايلى بايانداپ بەرەدٸ.
«NHK Music Special» 11 قاراشا كٷنٸ نۇر-سۇلتان ۋاقىتىمەن ساعات 19:30-دا كٶرسەتٸلەدٸ. رەترانسلياتسييا 16 قاراشا كٷنگٸ ساعات 21:48-دە ٶتەدٸ.
ەسكە سالا كەتسەك, قازاقستاندىق ەنشٸ ديماش قۇدايبەرگەننٸڭ Fly Away سينگلى Billboard Hot Trending Songs چارتىنىڭ ٷزدٸك «جيىرمالىعىنا» كٸرگەن.
