قازاقستاندىق ەنشٸ ديماش قۇدايبەرگەن شوۋ-بيزنەسكە دەگەن كٶزقاراسىن ايتتى. بۇل تۋرالى ودان جاقىندا "سلاۆيان بازارى" مەرەيتويلىق فەستيۆالٸ اشىلعان بەلارۋستٸڭ ۆيتەبسك قالاسىندا ٶتكەن باسپاسٶز مەسليحاتىندا جۋرناليستەر سۇرادى, - دەپ حابارلايدى "ۇلت اقپارات" DimashNews سايتىنا سٸلتەمە جاساپ.
2015 جىلى ديماشتان "سلاۆيان بازارىندا" العاش سۇحبات العان جۋرناليست تامارا ۆياتسكايا "التى جىل ٸشٸندە شوۋ-بيزنەسكە كٶزقاراسىڭ ٶزگەردٸ مە?" دەپ سۇرادى. بۇل سۇراققا ول تابيعاتى جاعىنان ٶزٸن شوۋ-بيزنەس ٶكٸلٸ ەمەس, شىعارماشىلىق ادامى دەپ سانايتىنىن ايتتى.
"شىنىمدى ايتسام, ماعان ەشقاشان ۇناماعان, - دەدٸ ەنشٸ, - بٸراق مەن مۋزىكانى شەكسٸز سٷيەمٸن. قازٸرگٸ ەلەمدە بٸرٸ ەكٸنشٸسٸز ٶمٸر سٷرە المايدى, سوندىقتان شوۋ-بيزنەسكە ەتٸم ٷيرەندٸ".
ديماش قۇدايبەرگەن كٸمگە جانكٷيەر بولادى دەگەن سۇراققا ەرتٸس ەلٸنٸڭ پاتريوتى رەتٸندە قازاقستاننان كەلگەن قاتىسۋشىعا قولداۋ كٶرسەتەتٸنٸن ايتتى. الايدا بۇل ونىڭ تاراپىنان جەڭٸلدٸكتەر بولادى دەگەندٸ بٸلدٸرمەيتٸنٸن قوستى.
"سلاۆيان بازارى" - ەلدەر مەن مەنتاليتەتتەر اراسىنداعى بارلىق شەكارا جويىلاتىن جەنە بارلىق ادام مۋزىكا تٸلٸندە سٶيلەسەتٸن الاڭ. ماعان قازٸر ٶزٸم قاتىسۋشى رەتٸندە قاتىسقاننان ەلدەقايدا زور جاۋاپكەرشٸلٸك ارتىلىپ وتىر", - دەدٸ ەنشٸ.
ول سەتتٸلٸك تٸلەپ, كونكۋرسقا قاتىسۋشىلارعا كەڭەس بەردٸ: تەحنيكالىق جاعىنان اسا اۋىر ەمەس ەندٸ تاڭداعان دۇرىس, بٸراق ونى 100 پايىزعا ورىنداۋ كەرەك.
سونداي-اق, ەنشٸ كٶپتەن كٷتكەن جاڭالىعىن بٶلٸستٸ: جارتى جىلدان كەيٸن جاڭا باعدارلامامەن ٷلكەن ستاديوندا كونتسەرتٸ ٶتەدٸ. ٶتكٸزۋ كٷنٸ مەن ورنى كەيٸنٸرەك بەلگٸلٸ بولادى.
ديماش ارمانى تۋرالى ايتا كەلە, بٸر كٷنٸ اتى اڭىزعا اينالعان "ۋەمبلي" ستاديونىندا كونتسەرت بەرگٸسٸ كەلەتٸنٸن بٶلٸستٸ.
