24 تامىزدا سوچيدە ٶتكەن «جاڭا تولقىن 2021» فەستيۆالٸندە ديماش قۇدايبەرگەن «Fly away» («ۇشامىن») جاڭا كومپوزيتسيياسىن كٶپشٸلٸك نازارىنا ۇسىندى. ەن اۆتورلارى DimashNews رەداكتسيياسىنا ونىڭ جازىلۋ تاريحى تۋرالى بٶلٸستٸ.
كٶرەرمەندەرمەن كەزدەسۋدٸ ۇزاق كٷتكەننەن سوڭ «جاڭا تولقىن» فەستيۆالٸ ديماش پەن ونىڭ جانكٷيەرلەرٸ ٷشٸن ۇزاققا سوزىلعان ەلەمدٸك پاندەمييادان كەيٸنگٸ ۋاقىتتىڭ ورىنىن تولتىرۋعا تاماشا مٷمكٸندٸك بولدى. ەرتٸس كٶرەرمەندەر الدىندا ٶنەر كٶرسەتٸپ قانا قويماي, ٶزٸنٸڭ جاڭا تۋىندىلارىن تٷرلٸ جانردا ۇسىندى.
فەستيۆالدٸڭ اشىلۋىندا ديماش شىعىس ستيليستيكاسىنداعى «Stranger» كومپوزيتسيياسىن ورىنداسا, «پرەمەرا كٷنٸندە» بي ىرعاعىنداعى «Fly away» ەنٸ مٷلدە باسقا بەينەدە كٶرسەتٸلدٸ.
ديماشقا ارنالعان ەندٸ قازاقستاندىق اۆتورلار – مۋزىكا يندۋستريياسىندا جيىرما جىلدان استام ۋاقىت جۇمىس ٸستەپ كەلە جاتقان كومپوزيتور ەدٸلجان عابباسوۆ جەنە مەتٸن اۆتورى رەتٸندە قايتادان بوي كٶرسەتكەن ورىنداۋشىنىڭ بەك-ۆوكاليستٸ دجوردان اراكەليان جازدى.
ەدٸلجان عابباسوۆ كومپوزيتسييانىڭ ەۋەنٸ مەن نەگٸزگٸ جەلٸسٸ قىسقا ۋاقىتتا پايدا بولعانىن ايتادى. سودان كەيٸن 2-3 اي ٸشٸندە مۋزىكانتتار توبى ترەكپەن جۇمىس ٸستەدٸ.
«شابىت ماعان بٸر كٷنٸ كەشكٸلٸك تىنىش ۋاقىتتا كەلدٸ, مەنٸڭ باسىمدا كەنەتتەن ەۋەن پايدا بولدى. مەن ونى داۋىستاپ ايتا باستادىم, ديماشتىڭ داۋىسىن بٸردەن ەسٸمە تٷسٸردٸم. سول كەزدە مەن ونىڭ وسى ەندٸ شىرقاعانىن قالار ەدٸم دەپ ويلادىم», – دەدٸ ەدٸلجان.
ديماشتىڭ «Give Me Your Love» جەنە «Be With Me» سيياقتى حيتتارىنىڭ مەتٸنٸن جازعان اۆتور دجوردان اراكەليان دا جاڭا ترەكتە قالاي جۇمىس ٸستەگەنٸمەن بٶلٸستٸ:
«ديماش ەردايىم ەننٸڭ نە تۋرالى بولۋى كەرەكتٸگٸن الدىن الا ايتادى جەنە وعان مەن بەرەدٸ. ول جاڭا كومپوزيتسييالاردىڭ دەموسىن شىرقاعاندا, مەتٸنسٸز ورىنداسا دا, بەلگٸلٸ بٸر سٶزدەردٸ تىڭداۋعا بولادى. «Fly away» جاڭا كومپوزيتسيياسى – رۋحاني جەنە شىعارماشىلىق ەركٸندٸك پەن وي ەركٸندٸگٸ تۋرالى ەن».
