ديماش قۇدايبەرگەن ورىنداۋىنداعى قىتاي كينوسى «Battle of Memories»( 记忆大师) ساۋندترەگٸ - "Memories That Can't Take Away" (拿不走的记忆) ەنٸنٸڭ ۆيدەوسى جارىق كٶردٸ, دەپ حابارلايدى قازاقپارات تٸلشٸسٸ.
Sina سايتىنىڭ Weibo پاراقشاسىنا جٷكتەلگەن بەينەباياندى نەبەرٸ ەكٸ ساعاتتا ميلليونعا جۋىق ادام كٶرٸپ ٷلگەرگەن. تىڭدارماندار ديماشتىڭ ەندٸ قىتاي تٸلٸندە ەرەكشە تازا ەرٸ جوعارى دەڭگەيدە ورىنداعانىنا شەك كەلتٸرمەدٸ.
بۇعان دەيٸن 5 سەۋٸر كٷنٸ قىتايلىق QQ music قوسىمشاسىنا جارييالانعان ەننٸڭ اۋديو نۇسقاسى تٷسٸرٸلٸم جاعىنان الدىنا جان سالمادى. ال, الدىن الا قىسقا تانىستىرىلىمىنىڭ Weibo پاراقشاسىنداعى كٶرٸلٸمٸ 6 ميلليوننان اسىپ كەتتٸ.
«Battle of Memories» كينوسى 28 سەۋٸر پروكاتقا شىعادى. سيۋجەت بويىنشا, كينو 2025 جىلى بەلگٸلٸ جازۋشى جياڭ فىڭ ەيەلٸمەن اراداعى كيكٸلجٸڭنەن كەيٸن ەكەۋٸنٸڭ 10 جىلعا سوزىلعان تاتۋ-تەتتٸ ٶمٸرٸن جاڭا تەحنولوگييانى پايدالانىپ ەسٸنەن شىعارىپ تاستايدى. ال كەيٸننەن ەيەلٸنٸڭ تالابى بويىنشا سول سەتتەردٸ ەسٸنە قايتارعاندا, باسىنا قىلمىستىق ٸستەردٸڭ ۋاقيعالارى ورالادى.
