بەلگٸلٸ ەنشٸ ديماش قۇدايبەرگەن وليمپيادا چەمپيونى بەكزات ساتتارحانوۆتى Instagram-داعى پاراقشاسىندا ەسكە الدى, دەپ حابارلايدى "ۇلت اقپارات".
«بٷگٸن قازاقتىڭ قايسار باتىرى بەكزات ساتتارحانوۆ اعامىزدىڭ ٶمٸرگە كەلگەن كٷنٸ. قىسقا عانا عۇمىر كەشسە دە, ەلٸمٸزدٸڭ تۇعىرىن ٷلكەن دەڭگەيگە كٶتەرگەن ارىستاي ازاماتىمىز مەنگٸلٸك جٷرەگٸمٸزدە. ەر ەسٸمٸ - ەل ەسٸندە! الاشتىڭ تەكتٸ ۇرپاعىنىڭ تۇقىمى - بەكزات اعا, جاتقان جەرٸڭ جايلى, قاراڭعى جەرٸڭ جارىق بولسىن», - دەپ جازدى ديماش.
قازاقستاندىق بوكسشى, 2000 جىلى ٶتكەن سيدنەي وليمپياداسىنىڭ جارتىلاي جەڭٸل سالماق دەرەجەسٸ بويىنشا چەمپيونى بەكزات ساتتارحانوۆ 1980 جىلى 4 سەۋٸردە دٷنيەگە كەلگەن. سپورتشى نەبەرٸ 20 جاسىندا كٶلٸك اپاتىنان قاپىدا كٶز جۇمعان ەدٸ.
