اتىراۋ وبلىسى تٶتەنشە جاعدايلار دەپارتامەنتٸ بٷگٸن ەلەۋمەتتٸك جەلٸلەردەگٸ ۆيدەولار ارقىلى تارالعان, "تەڭٸز گاز ٶڭدەۋ زاۆودىنداعى كٷكٸرت سۋتەگٸ تاراۋى" دەپ سيپاتتالعان وقيعاعا بايلانىستى اقپارات بەردٸ.
دەپارتامەنت دەرەگٸنشە, 30 مامىر كٷنٸ ساعات 9:45-تە تەڭٸز گاز ٶڭدەۋ زاۆودىندا (تگپز) ەكٸ قۇرىلعى توقتاپ قالعان, سوندىقتان ادامداردىڭ جەنە تەحنيكانىڭ قاۋٸپسٸزدٸگٸنە بولا ارتىق گاز فاكەلگە جٸبەرٸلگەن. وقيعانىڭ سەبەبٸ تەكسەرٸلٸپ جاتىر, زاۋىتتا قازا بولعاندار مەن زارداپ شەككەندەر جوق دەيدٸ تٶتەنشە جاعدايلار دەپارتامەنتٸ. قازٸر ول ەكٸ قۇرىلعى ٸسكە قوسىلعان.
قازاقستاننىڭ باتىسىنداعى مۇناي مەن گاز ٶندٸرٸسٸ ورىندارى كٶپ ايماقتا زاۋىتتاردان شىعاتىن زيياندى قالدىقتار جايلى قاۋٸپ جيٸ ايتىلادى. كەيبٸر اۋىلداردا تۇرعىندار بەلگٸسٸز زاتتان جاپپاي ۋلانعان وقيعالار دا بولعان.
