سۋرەت اشىق دەرەككٶزدەن الىندى
استانادا ٶتٸپ جاتقان سارى قۇرلىق بəسەكەسٸندە ەركٸن كٷرەستەن 74 كەلٸگە دەيٸنگٸ سالماقتا باق سىناعان دارحان ەسەنعالي ازييا چەمپيونى اتاندى, دەپ حابارلايدى "ۇلت اقپارات".
وتانداسىمىز فينالدا جاپونييالىق كيرين كينوشيتانى ۇپاي سانىمەن ۇتتى.
دارحان كٷندٸز 1/8-دە سينگاپۋرلىق حونگ لۋدى, شيرەك فينالدا قىرعىزستاندىق ەدٸلەت جاپارقۇلوۆتى سەنٸمدٸ ۇتىپ, كەلەسٸ كەزەڭگە جولداما العان. ال جارتىلاي فينالدا باحرەين اتىنان سىنعا تٷسەتٸن ماگامەدراسۋل اسلۋەۆتى ۇپاي سانىمەن جەڭدٸ.
بۇل - قازاقستاندىق ەركٸن كٷرەس شەبەرلەرٸنٸڭ وسى چەمپيوناتتاعى 3 التىنى.
ايتا كەتەيٸك, دارحان بيىل اقپاندا الماتىداعى قر-نىڭ VI جازعى سپارتاكياداسىندا توپ جارعان ەدٸ. تٶرت جىلدا بٸر ٶتەتٸن بۇل سىندا ول وسى سالماقتاعى كٶشباسشى نۇرقوجا قايپانوۆتى, ال فينالدا نۇرلان بەكجانوۆتى ۇتقان.
