"ريو-دە-جانەيرودا ٶتٸپ جاتقان حححٸ وليمپيادا ويىندارىندا بوكستان 69 كەلٸ سالماق دەرەجەسٸندە ٶنەر كٶرسەتەتٸن باھادٷرٸمٸز, ۇلتتىق قۇرامانىڭ كاپيتانى دانييار ەلەۋسٸنوۆ فرانتسۋز بوكسشىسى سٷلەيمان سيسسوككونى ۇتىپ, كەلەسٸ كەزەڭگە شىقتى", - دەپ حابارلايدى "ۇلت اقپارات".
ەكٸ راۋندقا عانا سوزىلعان جەكپە-جەكتٸ دەرٸگەرلەر وتانداسىمىزدىڭ دەنساۋلىعىنا زاقىم كەلگەنٸ ٷشٸن توقتاتقان. دەگەنمەن قارسىلاستىڭ پايداسىنا تەحنيكالىق نوكاۋت جازىلماي, تٶرەشٸلەر ەدٸل شەشٸم شىعاردى. قوس راۋندتىڭ ەسەبٸ بويىنشا ەلەۋسٸنوۆتٸڭ ۇپايى(30:27, 30:27) باسىم بولىپ, سيسسوككو جەڭٸلٸس تاپتى.
فينالدا دانييار ٶزبەك بوكسشىسى شاحراموم گيياسوۆپەن قولعاپ تٷيٸستٸرەدٸ. تيٸسٸنشە, گيياسوۆ جارتىلاي فينالدا ماروككادان كەلگەن موحاممەد رابييدٸ جەڭگەن بولاتىن.
ايتا كەتەيٸك, بيىلعى جىلى بوكستان ەرلەر قۇراماسى العاش رەت وليمپيادا ويىندارىنا تولىق قۇرامدا بارعان ەدٸ. بٸراق سايىس بارىسىندا التى بوكسشىمىز جارىستان شىعىپ قالدى.
ۇلت پورتالى
