بوكستان قازاقستان قۇراماسىنىڭ كاپيتانى جەنە 2013 جىلى ەلەم چەمپيونى اتانعان دانييار ەلەۋسٸنوۆ Vesti.kz تٸلشٸسٸنە بەرگەن سۇحباتىندا ريوداعى جازعى وليمپيادا ويىندارىنا قالاي دايىندالىپ جاتقانىن جەنە قانداي كٶرسەتكٸشتەرگە جەتكٸسٸ كەلەتٸنٸن ايتىپ بەردٸ.
بوكسشىنىڭ ايتۋىنشا, تۋرنيرگە دايىندالۋدا ەشقانداي قيىندىق جوق. سونداي-اق, دانيياردىڭ ايتۋىنشا, ول كومانداسىمەن بٸرگە استاناداعى كەسٸپقوي بوكسشىلارمەن دايىندىق جۇمىستارىن دا جٷرگٸزگەن. "ولار بٸزگە جاقسى كٶمەكتەستٸ. بۇعان دەيٸن مەن اقش-تاعى جاتتىعۋلاردا بولدىم, وندا كەسٸبي بوكسشىلارمەن جاتتىقتىم. بۇل جولى جاتتىعۋ جۇمىستارى قىزىقتى ٶتتٸ. مەن جەمٸستٸ ەڭبەك ەتتٸم. بٸراق مەنٸڭشە, ٶزٸمە قاجەتتٸنٸ امەريكاداعى جاتتىعۋ جۇمىستارىندا ٷيرەنٸپ الدىم", - دەدٸ ەلەۋسٸنوۆ.
ايتا كەتەيٸك. قازاقستاندىق بوكسشى ٷشٸن بۇل ەكٸنشٸ وليمپيادا ەكەن. سوڭعى جىلدارى ول بۇرىنعىدان اۋىر سالماق دەرەجەسٸندە جەكپە-جەك ٶتكٸزٸپ جٷر. "ەندٸ مەنٸڭ نەتيجەلەرٸم 69 كەلٸ سالماق دەرەجەسٸنە دەيٸن بولادى. ەرينە, تەجٸريبە جينادىم. اللا قالاسا, بۇل وليمپيادادا جەڭٸسكە جەتەمٸن", - دەدٸ بوكسشى.
