جاپون عارىشكەرٸ سويچي نوگۋچي مەن ناسا عارىشكەرٸ مايكل حوپكينس.
حالىقارالىق عارىش ستانتسيياسىنان ۇشىپ شىققان امەريكالىق Crew Dragon-1 كەمەسٸ 6,5 ساعاتتان كەيٸن مەكسيكا شىعاناعىنا امان-ەسەن قوندى.
جەرگە ورالعاندار: ناسا عارىشكەرلەرٸ مايكل حوپكينس, ۆيكتور گلوۆەر, شەننون ۋوكەر جەنە جاپون عارىشكەرٸ سويچي نوگۋچي. عارىشكەرلەر وتىرعان كاپسۋلانى سۋدان شىعارىپ الۋ ٷشٸن قونۋ ايماعىنا ٸزدەۋ-قۇتقارۋ كەمەسٸ جٸبەرٸلدٸ.
Crew Dragon-1 ەكيپاجى حعس-تە جارتى جىل جۇمىس ٸستەدٸ. كەمە بىلتىر 15 قاراشادا كاناۆەرال مٷيٸسٸندەگٸ كەننەدي عارىش ورتالىعىنان ۇشىرىلىپ, حعس-كە كەلەسٸ كٷنٸ جەتكەن.
كەمە SpaceX كومپانيياسىنىڭ حعس-كە عارىشكەر جەتكٸزگەن ەكٸنشٸ جوباسى. بٸرٸنشٸ ساپاردى 2020 جىلى مامىردا Crew Dragon كەمەسٸ جاساعان. سىناق كەمەسٸ حعس-كە ناسا-نىڭ ەكٸ عارىشكەرٸن اپارعان. سەۋٸردٸڭ ورتاسىندا SpaceX كومپانيياسى عارىش ستانتسيياسىنا Crew Dragon-2 دەيتٸن ٷشٸنشٸ كەمەسٸن جەتكٸزدٸ. كومپانييا بۇل ساپارلاردى ناسا تاپسىرىسىمەن ورىندادى.
قازٸر حعس-تە «روسكوسموس» عارىشكەرلەرٸ ولەگ نوۆيتسكيي مەن پەتر دۋبروۆ, ناسا عارىشكەرلەرٸ مارك ۆاندە حاي, مەگان ماكارتۋر, شەين كيم, ەۋروپا عارىش اگەنتتٸگٸنٸڭ عارىشكەرٸ توماس پەسكە, جاپون عارىشكەرٸ اكيحيكو حوسيدە بار دەيدٸ «ينتەرفاكس» اگەنتتٸگٸ.
