ۋكراينانىڭ جيتوميرٸندە تۇتانعان ٶرت وشاقتارىنىڭ كٶپشٸلٸگٸ وسى كەزدە سٶندٸرٸلدٸ. ەرەكشە اۋماققا جاتاتىن ورمانداعى ٶرت تە سٶندٸرٸلدٸ. بۇل تۋرالى پرەزيدەنت ۆلاديمير زەلەنسكيي مەلٸم ەتتٸ, دەپ حابارلايدى ۋكرينفورم.
«بٷگٸنگٸ تاڭدا جيتومير ايماعىندا ٶرتتٸڭ كٶپ بٶلٸگٸ سٶندٸرٸلدٸ, ال ەرەكشە ايماققا جاتاتىن ورمانداعى ٶرت تە تولىق سٶندٸرٸلدٸ», - دەدٸ زەلەنسكيي.
ۋكرينفورم حابارلاعانداي, 4 سەۋٸردە ەرەكشە اۋماققا جاتاتىن جەرلەردەن ٶرت شىققان. مەملەكەتتٸك وقشاۋلاۋ ايماعىن باسقارۋ جٶنٸندەگٸ مەملەكەتتٸك اگەنتتٸكتٸڭ مەلٸمەتتەرٸ بويىنشا چەرنوبىل اۋماعىندا ٶرتتەن 20 مىڭ گەكتار جەر زاقىمداندى, ونىڭ 30% - ىن ورمان قۇرايدى.
بۇعان دەيٸن ۋكراينانىڭ سولتٷستٸگٸندەگٸ ورمان ٶرتتەرٸ چەرنوبىل اتوم ەلەكتر ستانتسيياسىنا جاقىنداعانى تۋرالى حابارلانعان بولاتىن.
