UEFA چەمپيوندار ليگاسى جارتىلاي فينالىنا شىققان ەكٸنشٸ كوماندا بەلگٸلٸ بولدى, دەپ حابارلايدى "ۇلت اقپارات".
بٷگٸن «لەيپتسيگ» (گەرمانييا) مەن «اتلەتيكو مادريد» (يسپانييا) كوماندالارى شەبەرلٸك بايقاستى. ەكەۋٸنٸڭ دە دەڭگەيٸ قاتارلاس. سوندىقتان بۇل كەزدەسۋدە كٸمنٸڭ جەڭەتٸنٸن الدىن-الا بولجاۋ وڭايعا سوققان جوق.
ويىننىڭ بٸرٸنشٸ كەزەڭٸندە «لەيپتسيگ» كومانداسى دوپ ۇستاۋ جٶنٸنەن باسىم ەكەنٸن بايقاتتى. دەگەنمەن ەكەۋٸ بٸر-بٸرٸنٸڭ قاقپاسىنان ساڭىلاۋ تابا العان جوق.
ەكٸنشٸ كەزەڭنٸڭ 50-مينۋتىندا «لەيپتسيگ» ويىنشىسى دانيەل ولمو ەسەپ اشسا, «اتلەتيكو مادريد» ساپىنان جواۋ فەليكس 71-مينۋتتا پەنالتيدەن تارازى باسىن تەڭەستٸردٸ. ال 88-مينۋتتا «لەيپتسيگ» قايتادان العا شىقتى. جەڭٸس گولىن تايلەر ادامس سوعىپ كەتتٸ. وسىلايشا «لەيپتسيگ» 2:1 ەسەبٸمەن جەڭٸسكە جەتٸپ, جارتىلاي فينالعا جولداما الدى. ەندٸ ولار 18 تامىزدا «پاري سەن-جەرمەن» (فرانتسييا) كومانداسىمەن كەزدەسەدٸ. فرانتسييالىق كلۋب كەشە «اتلانتا» (يتالييا) كومانداسىن جەڭگەن ەدٸ.
ال 14 تامىزدا «بارسەلونا» (يسپانييا) مەن «باۆارييا» (گەرمانييا), 15 تامىزدا «مانچەستەر سيتي» (انگلييا) مەن «ليون» (فرانتسييا) كوماندالارى شەبەرلٸك بايقاسادى. جەڭٸمپاز كوماندالار جالعىز ويىن نەتيجەسٸمەن بەلگٸلٸ بولادى.
ەستەرٸڭٸزگە سالا كەتەلٸك, چەمپيوندار ليگاسىنىڭ قالعان بٶلٸگٸ پورتۋگالييا استاناسى - ليسسابون قالاسىندا ٶتەدٸ. ول سەگٸزدٸك فينالى فورماتىندا بولادى. جارتىلاي فينال 18-19, فينال 23 تامىز كٷندەرٸ ٶتكٸزٸلەدٸ.
