«حابار» تەلەارناسىندا بٷگٸن تۇساۋى كەسٸلگەن «كومپرومات» باعدارلاماسىندا «مۇزارت» توبىنىڭ بەلدٸ مٷشەسٸ سەكەن مايعازيەۆ «Ninety one» توبىنا قاتىستى پٸكٸر بٸلدٸردٸ, - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بٸرنەشە جىل بۇرىن قازاق تٸلٸنٸڭ جىرىن جىرلاپ, مۇڭىن مۇڭداپ جٷرگەندە قاي باعىتتا ايتسا دا, قازاق تٸلٸندە شىرقاسا ەكەن دەپ ويلايتىنمىن. بٸراق, كەيٸن ولار شەكتەن شىعىپ كەتتٸ. ٶتە تالانتتى, قازاقى مٸنەزدٸ بالالار. سٶلەسكەنٸ دە قازاقشا, اكتسەنتسٸز. ماقال-مەتەلدەرٸ دە كەرەمەت. ونى جٸگٸتتەردٸڭ ٶزدەرٸنە دە كەزدەسٸپ, اعالىق اقىلىمدى ايتقانمىن. جٸگٸتتەر, بٸزدٸڭ ۇلتىمىزعا, ەلٸمٸزگە ٷلكەن قاۋٸپ تٶنٸپ تۇر. سەندەر جاستاردى ٶز-ٶزٸنە قول جۇمساۋعا, ەلسٸزدٸككە, اتا-انانى تىڭداماۋعا شاقىرماڭدار. بولمايتىن جەردە «ٶزٸم بٸلەمدٸككە» يتەرمەلەمەڭدەر دەپ.
ەرينە, سەندٸ كيٸنگەندٸ كٸم جەك كٶرەدٸ. بٸراق, ەندٸ شەكتەن شىعىپ كەتپەڭدەر. قازٸر عانا قىزدار جايىندا ايتتىم. قاتتى بويانىپ, ەرٸندەرٸن ٷرلەپ جٸبەردٸ, كٶزٸ قايسى, تٷرٸ قايسىسى بٸلمەي قالاسىڭ. سول سيياقتى جٸگٸتتٸڭ سىرعا تاققانى, شاشىن قىزىلدى-جاسىلعا بوياعانى ۇنامايدى. بۇل جاماندىققا بٸر قادام. سول ٷشٸن عانا جٸگٸتتەردٸ قولدامايمىن. ەيتپەسە جٸگٸتتەردٸڭ ٶتە تالانتتى ەكەندٸگٸن تاعى دا ايتقىم كەلەدٸ. بٸراق, ٶزدەرٸنٸڭ تابيعاتى, بولمىسى, جاساپ جاتقان قازاققا جات دٷنيەلەرٸ قىنجىلتادى», - دەدٸ ول باعدارلاما جٷرگٸزۋشٸسٸنٸڭ ساۋالىنا وراي.
