بٷگٸننەن باستاپ قازاقستاننىڭ ەكٸ ٶڭٸرٸندە كارانتيندٸك شارالار كٷشەيتٸلەدٸ, دەپ حابارلايدى "ۇلت اقپارات".
15 ماۋسىمدا كەشكٸ ساعات 20:00 باستاپ كٶكشەتاۋ قالاسىنداعى 7 بلوكپوستىڭ جۇمىسى قايتا جاندانىپ, قالادا كارانتين شەكتەۋ شارالارى كٷشەيتٸلەدٸ. اقمولا وبلىسىنىڭ باس سانيتارلىق دەرٸگەرٸ ايناگٷل مۋسينا قالا تۇرعىندارىنا وسىنداي شۇعىل مەلٸمدەمە جاسادى.
سونداي-اق, باتىس قازاقستان وبلىستىق باس مەملەكەتتٸك سانيتار دەرٸگەرٸنٸڭ جاڭا قاۋلىسىنا سەيكەس كارانتين 15 ماۋسىمنان باستاپ بٸرقاتار شەكتەۋ شارالارى ەنگٸزٸلەدٸ.
بۇعان دەيٸن قر ٷكٸمەتٸ جانىنداعى كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا وتىرىسىندا ەكٸمدەرگە ٶڭٸرلەردەگٸ كارانتين شارالارىن كٷشەيتۋدٸ قاراستىرۋ تاپسىرىلعان ەدٸ.
قاراعاندى وبلىسىندا كارانتيندٸك شارالار قايتا كٷشەيتٸلدٸ. 13 ماۋسىمنان باستاپ ٶڭٸردەگٸ ساۋدا-ويىن-ساۋىق ورتالىقتارى, ازىق-تٷلٸك جەنە ازىق-تٷلٸك ەمەس بازارلاردا شەكتەۋلٸ ۋاقىتپەن جۇمىس ٸستەي باستادى.
ال 14 ماۋسىمنان باستاپ جامبىل وبلىسىندا دا كارانتيندٸك شارالار كٷشەيتٸلدٸ.
