بٷگٸن, ياعني 27 شٸلدەدە قازاقستاندىق ەكٸ عارىشكەردٸڭ تۋعان كٷنٸ, دەپ حابارلايدى "ۇلت اقپارات".
سوۆەت وداعىنىڭ باتىرى, كسرو ۇشقىش-عارىشكەرٸ, قازاقستاننىڭ ۇشقىش-عارىشكەرٸ, قازاقستان رەسپۋبليكالىق حالىق قاھارمانى توقتار ەۋبەكٸروۆ 74-كە تولسا, قازاقستاننىڭ ۇشقىش-عارىشكەرٸ, قازاقستاننىڭ حالىق قاھارمانى ايدىن ايىمبەتوۆ 48 جاسقا كەلٸپ وتىر.
عارىشكەردٸڭ ەكەۋٸ دە بٸر كٷنٸ - 27 شٸلدەدە دٷنيەگە كەلگەن. ەكەۋٸ دە ارماۆير جوعارى ەسكەري اۆياتسييا مەكتەبٸن بٸتٸرٸپ, ەسكەري ۇشقىش, كەيٸنٸرەك عارىشكەر اتاندى. ەكەۋٸ دە عارىشقا 2-سٸ كٷنٸ ۇشتى. بٸراق اي جاعىنان (قىركٷيەك پەن قازان) ايىرماشىلىق بار. ەكەۋٸنٸڭ دە ەكيپاجدارىنىڭ كومانديرلەرٸنٸڭ تەگٸ ۆولكوۆ ەدٸ. ەۋبەكٸروۆتىڭ كومانديرٸ كەڭەس عارىشكەرٸ الەكساندر ۆولكوۆ بولسا, ايىمبەتوۆ ۇشقان ۋاقىتتا الەكساندردىڭ ۇلى - رەسەيلٸك عارىشكەر سەرگەي ۆولكوۆ كوماندير بولعان.
ەسكە سالا كەتسەك توقتار ەۋبەكٸروۆ 1991 جىلى قازا ايىنىڭ 2-10 ارالىعىندا «مير» وربيتالىق كەشەنٸنە ەكسپەديتسييانىڭ عارىشكەر-زەرتتەۋشٸسٸ رەتٸندە عارىشقا ۇشقان بولاتىن. «سويۋز تم-13» عارىش كەمەسٸ الەكساندر ۆولكوۆپەن جەنە فرانتس فيبەكپەن (اۆسترييا) بٸرگە عارىشقا كٶتەرٸلدٸ. «مير» ستانتسيياسىندا ول اناتوليي ارتسەبارسكيي جەنە سەرگەي كريكالەۆپەن بٸرگە جۇمىس ٸستەدٸ. وربيتادا ول العاشقى قازاقستاندىق عارىشتىق باعدارلاما بويىنشا تەجٸريبەلەردٸ ٶتكٸزدٸ. «سويۋز تم-12» عارىش كەمەسٸنە اناتوليي ارتسەبارسكيي مەن فرانتس فيبەكپەن (اۆسترييا) قوندى. ۇشۋ ۇزاقتىعى 7 كٷن 22 ساعات 12 مينۋت 40 سەكۋند بولدى.
ال ايدىن ايىمبەتوۆ «سويۋز تما-18م» عارىش كەمەسٸنٸڭ بورت ينجەنەرٸ رەتٸندە 2015 جىلدىڭ 2-شٸ قىركٷيەگٸنەن 12-سٸنە دەيٸنگٸ ارالىقتا ۇشتى. ەكيپاج قۇرامىندا عارىش كەمەسٸنٸڭ كومانديرٸ, رەسەيلٸك سەرگەي ۆولكوۆ جەنە دانييا كورولدٸگٸنٸڭ استروناۆتى اندرەس موگەنسەن بار ەدٸ. ۇشۋ ۇزاقتىعى 9 كٷن 20 ساعات 13 مينۋت 51 سەكۋند بولدى.
جالپى بۇل عارىشكەرلەردٸڭ ەكٸ تۋعان كٷنٸ بار ەكەنٸن اتاپ ٶتۋ كەرەك. ەربٸر عارىشكەر تۋعان كٷنٸنەن بٶلەك, عارىشقا كٶتەرٸلگەن كٷندٸ – ەكٸنشٸ تۋعان كٷنٸ رەتٸندە اتاپ ٶتەدٸ.
توقتار وڭعاربايۇلى قازٸرگٸ ۋاقىتتا زەينەتتە. ال ايدىن اقانۇلى زامانعا ساي عارىش تەحنولوگييالارىن قۇرايتىن «قازاقستان عارىش ساپارى» كومپانيياسىندا لاۋازىمدى باسشى رەتٸندە قازاقستاننىڭ عارىش سالاسىن قۇرۋ ميسسيياسىن اتقارىپ كەلەدٸ.
