بٷگٸن فۋتبولدان يسپانييا چەمپيوناتى قايتا جالعاسادى. كوروناۆيرۋس ينفەكتسيياسىنا بايلانىستى كەيٸنگە شەگەرٸلگەن 28-تۋردىڭ العاشقى ويىنىندا «سەۆيليا» مەن «بەتيس» كوماندالارى كەزدەسەدٸ, دەپ حابارلايدى "ۇلت اقپارات".
اتالعان تۋر 12-15 ماۋسىمدا تٶرت كٷنگە سوزىلادى. بۇل تۋردا 12 ماۋسىمدا «گرانادا» مەن «حەتافە», 13 ماۋسىمدا «ۆالەنسييا» مەن «لەۆانتە», «ەسپانول» مەن «الاۆەس», «سەلتا» مەن «ۆيلياررەال», «لەگانەس» پەن «ۆاليادوليد», 14 ماۋسىمدا «مالوركا» مەن «بارسەلونا», «اتلەتيك» پەن «اتلەتيكو», «رەال مادريد» پەن «ەيبار», 15 ماۋسىمدا «رەال سوسەداد» پەن «وساسۋنا» كوماندالارى كەزدەسەدٸ.
قازٸر تۋرنير كەستەسٸندە 27 ويىننان كەيٸن 58 ۇپايمەن «بارسەلونا» كومانداسى كٶش باستاپ كەلەدٸ. ودان كەيٸنگٸ ورىنداعى «رەال مادريد» كومانداسىنىڭ 56, «سەۆيليانىڭ» 47 ۇپايى بار.
