ۋكراينا ەسكەريٸ رەسەي ەسكەرٸنٸڭ قيراعان تانكٸسٸنٸڭ جانىندا تۇر. 11 قىركٷيەك 2022 جىل.
ۇلىبريتانييا قورعانىس مينيسترلٸگٸ ۋكرايناداعى سوعىسقا قاتىستى 13 قىركٷيەكتەگٸ حابارلاماسىندا رەسەيدٸڭ ەسكەري كٷشٸنٸڭ ەلسٸرەگەنٸن جازدى, دەپ حابارلايدى ازاتتىق.
"حاركوۆ وبلىسىنداعى قارىمتا شابۋىل كەزٸندە ارتقا شەگٸنگەن باتىس ەسكەري وكرۋگٸنە تيەسٸلٸ 1-گۆاردييالىق تانك ەسكەرٸ – رەسەيدٸڭ قارۋلى كٷشتەرٸندەگٸ بەدەلدٸ بٶلٸمشە. رەسەيگە شابۋىل جاسالعان جاعدايدا دەل وسى بٶلٸمشە مەسكەۋدٸ قورعاۋى تيٸس. ال ناتو-مەن سوعىس بولعان جاعدايدا قارىمتا شابۋىلعا وسى تانك ەسكەرٸ شىعۋى كەرەك" دەپ جازادى بريتانييا بارلاۋشىلارى.
ۇلىبريتانييا قورعانىس مينيسترلٸگٸنٸڭ پايىمداۋىنشا, 1-گۆاردييالىق تانك ەسكەرٸ ۋكرايناداعى سوعىستىڭ العاشقى كەزەڭٸندە كٶپ شىعىنعا ۇشىراپ, حاركوۆ وبلىسىنداعى قارىمتا شابۋىلعا دەيٸن كٷش جيناپ ٷلگەرمەگەن. بريتانييا بارلاۋشىلارى رەسەيگە بۇل ەسكەري ەلەۋەتٸن قالپىنا كەلتٸرۋ ٷشٸن جىلدار كەتەدٸ دەپ سانايدى.
ۋكراينا قارۋلى كٷشتەرٸ قىركٷيەكتە بٸرنەشە كٷن ٸشٸندە حاركوۆ وبلىسىندا رەسەي ەسكەريلەرٸ بٸرنەشە ايدان بەرٸ ۇستاپ وتىرعان جەرلەردٸڭ بٸراز بٶلٸگٸن قايتارىپ الدى. ۋكراينا پرەزيدەنتٸ ۆلاديمير زەلەنسكيي قىركٷيەكتٸڭ باسىنان بەرٸ ۋكراينا ەسكەريلەرٸ 6 مىڭ شارشى شاقىرىم جەردٸ قايتاردى دەپ مەلٸمدەدٸ. ال رەسەي قورعانىس مينيسترلٸگٸ مۇنى ەسكەريلەردٸ "قايتا ورنالاستىرۋ شاراسى" دەپ اتايدى.
دەگەنمەن قازٸر رەسەي ۋكراينادا حەرسون, زاپوروجە, لۋگانسك, دونەتسك, حاركوۆ وبلىستارىنىڭ بٸر بٶلٸگٸن باقىلاۋدا ۇستاپ وتىر.
