برازيلييا پرەزيدەنتٸ جاير بولسونارۋ كوروناۆيرۋسقا قان تالداۋىن تاپسىردى, دەپ حابارلايدى Reuters اگەنتتٸگٸ.
برازيلييا كوروناۆيرۋس پاندەميياسىنان قاتتى زارداپ شەككەن ەلدەر تٸزٸمٸندە امەريكا قۇراما شتاتتارىنان كەيٸنگٸ ەكٸنشٸ ورىندا تۇر.
دەنساۋلىق ساقتاۋ مينيسترلٸگٸنٸڭ ستاتيستيكاسى بويىنشا, بالسونارۋ كوروناۆيرۋس انىقتالعان 2,2 ميلليون تۇرعىننىڭ بٸرٸ. برازيلييادا COVID-19-دان 81 000 ادام كٶز جۇمدى.
ەسكە سالا كەتسەك, 7 شٸلدە كٷنٸ بالسونارۋدىڭ كوروناۆيرۋسقا تاپسىرعان قان تالداۋى پرەزيدەنتتٸڭ ۆيرۋس جۇقتىرعانىن انىقتادى. ٶتكەن اپتادا تاپسىرعان ەكٸنشٸ تالداۋ دا كوروناۆيرۋس بار ەكەنٸن كٶرسەتتٸ.
بۇعان دەيٸن بالسونارۋ كوروناۆيرۋس ينفەكتسيياسىمەن كٷرەستە تيٸمدٸلٸگٸ دەلەلدەنبەگەن «گيدروكسيحلوروحين» پرەپاراتىن قولدانعانىن حابارلاعان. پرەپاراتتى اقش پرەزيدەنتٸ دونالد ترامپ تا جارنامالاعان بولاتىن. ونىڭ ويىنشا, بۇل دەرٸ اۋرۋدىڭ جەڭٸل ٶتۋٸنە كٶمەكتەسەدٸ.
برازيلييا پرەزيدەنتٸ جاعدايىنىڭ جاقسى ەكەنٸن ايتىپ, تٸپتٸ جۇما كٷنٸ ەلدٸڭ سولتٷستٸك-شىعىسىنداعى پياۋي شتاتىنا ساپارلاپ بارۋدى جوسپارلاپ وتقانىن جەتكٸزدٸ.
