سەربييانىڭ بەلگراد قالاسىندا بوكستان حالىقارالىق تۋرنير ٶتٸپ جاتىر, دەپ حابارلايدى Olympic.kz.
قازاقستان قۇراماسىنىڭ مٷشەسٸ ەرماحان جاقپەكوۆ جارىستى جەڭٸسپەن باستادى. 75 كەلٸگە دەيٸنگٸ سالماق دەرەجەسٸندە سىنعا تٷسكەن ول كيپرلٸك اندرەسا كوككينوسانى ۇتتى. سونىمەن قاتار, كەلەسٸ اينالىمعا نۇرقانات رەيس تە ٶتتٸ. ول جەرگٸلٸكتٸ بوكسشى رامي كيۆاننان باسىم تٷستٸ.
69 كەلٸگە دەيٸنگٸ سالماقتا شارشى الاڭعا شىققان ابىلايحان جٷسٸپوۆ شوتلاندييالىق تايلەر دجولليدٸ ۇتىپ, جارىستى كەلەسٸ اينالىمدا جالعاستىرادى. ەرتۋعان زەينۋللينوۆ كوماندالاستارىنىڭ جەڭٸستٸ جولىن جالعاستىرۋدا. 63 كەلٸگە دەيٸنگٸ سالماقتا ول رەسەيلٸك يان شتوكالەنكودان ايلاسىن اسىرىپ, كەلەسٸ كەزەڭگە جولداما الدى. سونداي-اق, 81 كەلٸدە قازاقستاندىق نۇربەك ورالباي سەربييالىق سلوبودان يوۆانوۆيچتى ۇتىپ, كەلەسٸ اينالىمدا جۇدىرىقتاسۋعا مٷمكٸندٸك الدى. ٶكٸنٸشكە قاراي, 57 كەلٸدە ايقاسقان سەرٸك تەمٸرجانوۆ قارسىلاسىنا جول بەرٸپ, جارىستان شىعىپ قالدى.
