يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە ۆاسيليي لەۆيت ەل قورجىنىنا ەكٸنشٸ التىن مەدال سالدى, دەپ حابارلايدى "ۇلت اقپارات".
91 كەلٸ سالماقتا ٶنەر كٶرسەتەتٸن ۆاسيليي لەۆيت بۇل جولى دا ەل نامىسىن ابىرويمەن قورعادى. ول فينالدا جاڭا زەلاندييا ٶكٸلٸ دەۆيد نيكامەن جۇدىرىقتاسىپ, چەمپيوندىق اتاققا قول جەتكٸزدٸ.
وسىلايشا, قازاقستاندىق بوكسشىلاردان فينالعا شىققان تٶرت بوكسشىنىڭ ەكەۋٸ چەمپيون اتىنىپ, ەكەۋٸ كٷمٸس جٷلدەنٸ قاناعات تۇتتى.
كٷمٸستٸ وسىعان دەيٸن حابارلاعانىمىزداي, 63 كەلٸ سالماقتا زەكٸر سافيۋللين مەن 75 كەلٸ سالماقتا ەبٸلحان امانقۇل يەلەندٸ. بٸرنٸشٸ «التىن» 81 كەلٸ سالماقتا بەكزات نۇردەۋلەتوۆتٸڭ ەنشٸسٸندە بولسا, ەكٸنشٸ التىن جٷلدەنٸ ۆاسيليي لەۆيت قانجىعاسىنا بايلادى.
