بلوكپوستا زارداپ شەككەن, ٷشٸنشٸ پوليتسەي ەسٸن جيدى, دەپ حابارلايدى "ۇلت اقپارات".
«ناۋقاستىڭ جاعدايى تۇراقتالدى. ەسٸن جيدى, سۇراقتارعا جاۋاپ بەرە الادى. قاي جاقتا ەكەنٸن, ۋاقىت قانشا ەكەنٸن بٸلەدٸ. بٸراق باسى ەلٸ دە اۋىرادى, سونداي-اق, باسى اينالادى. پالاتادا ٶز بەتٸنشە قيمىلداپ, جٷرە الادى», - دەپ حابارلادى دەنساۋلىق ساقتاۋ باسقارماسىنداعىلار.
بۇعان دەيٸن 26 جاستاعى پوليتسەي ەربۇلان سەيدازىمنىڭ جانساقتاۋ بٶلٸمٸنەن پالاتاعا اۋىستىرلعانى تۋرالى جازعان بولاتىنبىز.
پوليتسەي اۋرۋحاناعا اۋىر حالدە جەتكٸزٸلگەن بولاتىن. دەرٸگەرلەر تەكسەرۋ بارىسىندا قوسارلاسقان جاراقات, باستان جاراقات, ميى سوققى العانىن انىقتاپ, شۇعىل تٷردە وتا جاسادى.
ەسكە سالايىق, 25 مامىر تاڭعى ساعات 05:26-دا BMW ماركالى كٶلٸكتٸڭ 1992 جىلعى جٷرگٸزۋشٸسٸ ماس كٷيٸندە بلوكپوستاعى پوليتسييا كٶلٸگٸنە سوعىلدى. سالدارىنان ەكٸ پوليتسييا قىزمەتكەرٸ كٶز جۇمدى.
