بقو تۇرعىنى جەدەل جەردەم كٶلٸگٸن ايداپ كەتٸپ, قورشاۋعا سوعىلعان, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا بەيتەرەك اۋدانىندا بولدى.
«اياعىن جاراقاتتاپ العان 31 جاستاعى اۋىل تۇرعىنى جەدەل جەردەم شاقىرعان. مەديتسينا قىزمەتكەرلەرٸ ونى اۋرۋحاناعا اپارىپ, كٶمەك كٶرسەتكەننەن كەيٸن ٷيٸنە جٸبەرگەن. اۋرۋحانادان شىعىپ, جەدەل جەردەم كٶلٸگٸن كٶرگەن جٸگٸت كٶپ ويلانباستان ونىڭ رۋلٸنە وتىرىپ, تارتىپ كەتەدٸ. الايدا بٸرنەشە مەتر جٷرگەننەن كەيٸن مەكتەپتٸڭ قورشاۋىنا سوعىلىپ, توقتايدى. جٷرگٸزۋشٸ ونى ۇستاپ العانىمەن, سىتىلىپ شىققان تۇرعىن قورشاۋدان سەكٸرٸپ, جول-كٶلٸك وقيعاسى بولعان جەردەن قاشىپ كەتەدٸ. قازٸرگٸ كەزدە كەلتٸرٸلگەن شىعىن انىقتالىپ, اتالعان تۇرعىن ٸزدەستٸرٸلۋدە», دەپ حابارلادى ۆەدومستۆودان.
