باتىس قازاقستان وبلىسىندا تاعى بەس ادام كوروناۆيرۋستان ەمدەلٸپ, ٷيلەرٸنە ورالدى, دەپ حابارلايدى "ۇلت اقپارات".
وبلىستىق جۇقپالى اۋرۋلار اۋرۋحاناسىنىڭ ديرەكتورى نادييا احمەتوۆانىڭ ايتۋىنشا, ولاردىڭ ٷشەۋٸ – تاسقالا اۋدانىنىڭ, ەكەۋٸ – ورال قالاسىنىڭ تۇرعىنى.
«باقىلاۋ سىنامالارى ولاردىڭ كوروناۆيرۋستان جازىلىپ شىققاندىعىن كٶرسەتتٸ. جاعدايلارى قالىپتى. اۋرۋحانادا جاتقان قالعان ناۋقاستاردىڭ جاعدايى قاناعاتتانارلىق, ورتاشا حالدەگٸلەر دە بار», - دەدٸ قازاقپارات تٸلشٸسٸنە ن.احمەتوۆا.
وسىلايشا باتىس قازاقستاندا ەمدەلٸپ شىققاندار سانى 36-عا جەتتٸ.
ەسكە سالا كەتەيٸك, بۇدان بۇرىن باتىس قازاقستان وبلىسىندا بٸردەن 17 ادامنىڭ جازىلىپ شىققانىن جازعان بولاتىنبىز.
