بٷگٸن ٷكٸمەت وتىرىسىندا پرەمەر-مينيستردٸڭ ورىنباسارى ەرالى توعجانوۆ بيزنەس سۋبەكتٸلەرٸن Ashyq جوباسىنا تارتۋدى كٷشەيتۋ كەرەك ەكەندٸگٸن ايتتى, دەپ حابارلايدى "ۇلت اقپارات".
«جالپى ەلدەگٸ ەپيدەميولوگييالىق جاعداي تۇراقتى. بۇعان قابىلدانىپ جاتقان كەشەندٸ شارالار, ونىڭ ٸشٸندە حالىقتى ۆاكتسينالاۋ وڭ ىقپال ەتۋدە. بٷگٸندە ٶڭٸرلەر ۆاكتسينامەن تولىقتاي قامتاماسىز ەتٸلگەن. رەسپۋبليكا بويىنشا كٷن سايىن 68 مىڭنان اسا ادام ۆاكتسينا الىپ جاتىر, ونىڭ ٸشٸندە بٸرٸنشٸ كومپونەنت 44 مىڭ», - دەدٸ ە. توعاجانوۆ.
وسى ورايدا ول ٶڭٸر ەكٸمدٸكتەرٸنە تيٸستٸ تاپسىرمالاردى بەرۋ كەرەكتٸگٸن اتاپ ٶتتٸ.
«بٸرٸنشٸدەن, ٶڭٸرلەر حالىقتى ۆاكتسينالاۋ قارقىنىن ارتتىرۋ بويىنشا ناقتى شارالار قابىلداۋى قاجەت. بۇل باعىتتاعى جۇمىستى ەكٸمدەر جەكە باقىلاۋىنا الۋى تيٸس. ەكٸنشٸدەن, بيزنەس سۋبەكتٸلەرٸن Ashyq جوباسىنا تارتۋدى كٷشەيتۋ كەرەك. ٷشٸنشٸدەن, «اتامەكەن» ۇكپ-مەن بٸرگە Ashyq جوباسىنا قوسىلعان كەسٸپكەرلەر اراسىندا قابىلدانعان تالاپتاردى ساقتاۋ بويىنشا تٷسٸندٸرۋ جۇمىستارىن جٷرگٸزۋٸمٸز قاجەتك», - دەدٸ ٷكٸمەت باسشىسىنىڭ ورىنباسارى.
سونىمەن قاتار ول كەسٸپكەرلٸك سۋبەكتٸلەر تاراپىنان قىزمەتٸن زاڭسىز جٷرگٸزۋدٸ بولدىرماۋ ماقساتىندا دا مونيتورينگ توپتارىنىڭ جۇمىسىن كٷشەيتۋدٸڭ ماڭىزىن ايتتى.
