2020 جىلعى بەس ايدا قازاقستاندا 391 مىڭ اۆتوكٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعى مەلٸم ەتتٸ, دەپ حابارلايدى «ۇلت اقپارات».
«ەسەپتٸ كەزەڭدە ەكٸمشٸلٸك پوليتسييا ورگاندارى 391 801 اۆتوكٶلٸكتٸ تٸركەۋگە قويدى. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 32,1 پايىزعا كەم. ونىڭ ٸشٸندە 358 146-سى ەكٸنشٸ رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. بٸر جىل بۇرىنعى دەڭگەيمەن سالىستىرعاندا 33,7 پايىزعا تٶمەندەدٸ. ال العاش رەت تٸركەلگەن كٶلٸك قۇرالدارىنىڭ سانى 33 655-تٸ قۇرادى. ول بىلتىرعا قاراعاندا, 7,9 پايىزعا از», - دەپ اتاپ كٶرسەتٸلگەن تاراتىلعان مەلٸمەتتە.
بيىلعى قاڭتار-مامىردا قازاقستان اۋماعىندا 16 ەلەكتروموبيل تٸركەلگەن ەكەن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنەن استامىن (68,2 پايىزى) پايدالانۋ مەرزٸمٸ 10 جىلدان اسقان كٶلٸكتەر قامتىعان.
اتاپ ايتقاندا, 20 جىلدان اسقانداردىڭ ٷلەسٸ 151 440 مىڭ كٶلٸك (42,3 پايىز) بولسا, 11-دەن 20 جىلعا دەيٸنگٸلەر 25,9 پايىزدى (92 883 كٶلٸك) قۇرادى. ال 4-تەن 7 جىلعا دەيٸنگٸلەر – 61 259 كٶلٸككە (17,1 پايىز), 8-دەن 10 جىلعا دەيٸنگٸلەر – 35 213 كٶلٸككە (9,8 پايىز), 1-دەن 3 جىلعا دەيٸنگٸ كٶلٸك سانى 16 620-عا جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,2 پايىز (731اۆتوموبيل) بولدى.
