قر پارلامەنتٸ مەجٸلٸسٸنٸڭ دەپۋتاتتارى ۆاكتسينا العان ازاماتتار بويىنشا ستاتيستيكا جٷرگٸزۋ ٸسٸن سىنعا الدى, دەپ حابارلايدى قازاقپارات.
«4 مامىرداعى جاعداي بويىنشا بٸرٸنشٸ كومپونەنتپەن 1 ملن 422 مىڭ 204 ادام, ەكٸنشٸ كومپونەنتپەن – 347 مىڭ 774 ادام ەگٸلدٸ. بۇل تۋرالى نەگە ايتىپ وتىرمىن? دەرٸگەر رەتٸندە ۆاكتسينانىڭ ەكٸ دوزاسىن العان ادامنىڭ عانا ۆاكتسينالانعانىن بٸلەمٸن. باسقالاي مٷمكٸن ەمەس. كەز كەلگەن ينفەكتسيونيست وسىنى ايتار ەدٸ. سوندىقتان, ەكٸنشٸ كومپونەنتپەن 347 474 ادامدى قامتۋ كٶرسەتكٸشٸنە سٷيەنە وتىرىپ, جىل سوڭىنا دەيٸن 6 ملن ادامنىڭ ۆاكتسينالاناتىنىنا سەنٸم جوق», - دەدٸ مەجٸلٸس دەپۋتاتى لاريسا پاۆلوۆەتس جالپى وتىرىستا.
دەنساۋلىق ساقتاۋ مينيسترٸ الەكسەي تسوي ەلدەگٸ ۆاكتسينالاۋدىڭ جەتكٸلٸكتٸ قارقىندا جٷرٸپ جاتقانىن تٷسٸندٸردٸ.
«ەكٸنشٸ كومپونەنت سٶزسٸز بولادى. ياعني, ازاماتتار بٸرٸنشٸ كومپونەنتتٸ جاساعان سوڭ, ەكٸنشٸ كومپونەنت 21 كٷندە نەمەسە ماكسيمۋم 45 كٷندە ەگٸلەدٸ. ياعني, مۇندا كەز كەلگەن جاعدايدا بٸزدٸڭ ازاماتتار ەكٸنشٸ كومپونەنتتٸ الادى. العاشقى كومپونەنتتٸ سالعان سوڭ, 15-شٸ كٷنٸ دە انتيدەنە پايدا بولاتىنىن تٷسٸنۋ كەرەك. ياعني, قورعاۋعا مٷمكٸندٸك بەرەتٸن العاشقى يممۋنيتەت 15-شٸ كٷننەن باستاپ تٷزٸلە باستايدى», - دەدٸ مينيستر.
«دەگەنمەن, سٸزدٸڭ ۇستانىمىڭىز قانداي? سٸز بٸر دوزا ەكتٸرگەن ادامدى ۆاكتسيناتسييالانعان ادام دەپ ەسەپتەيسٸز بە? ەلدە ەكەۋٸن دە سالدىرعان ادامدى ايتۋ كەرەك پە? بۇل تۋرالى ناقتى ايتا الاسىز با?»,- دەپ سۇراق قويدى دەپۋتات مينيسترگە.
«ەرينە, ۆاكتسيناتسييانىڭ تولىق كۋرسى ەكٸ دوزالى ۆاكتسينا بولسا, ەكەۋٸن دە سالدىرۋ كەرەك», - دەدٸ الەكسەي تسوي. مينيستر سوڭعى مەلٸمەتتەر بويىنشا 400 مىڭ ادامنىڭ ەكٸنشٸ كومپونەنتتٸ العانىن اتاپ ٶتتٸ.
مەجٸلٸس سپيكەرٸ نۇرلان نىعماتۋلين تە مەسەلەگە پٸكٸر بٸلدٸردٸ.
«سٸز قازٸر 21 كٷن دەپ ايتتىڭىز, ال ورىنباسارلارىڭىزدىڭ بٸرٸ شىعىپ, 90 كٷن دەدٸ. سٸز دە قازٸر ماكسيمۋم 45 كٷن دەپ وتىرسىز. بٸز بەرٸن شاتاستىرىپ جٸبەردٸك قوي. ( ... ) بٸر اقپارات شىعادى, سودان كەيٸن باسقا قىزمەتكەرٸڭٸز شىعىپ, مٷلدەم باسقاشا پٸكٸر بەرەدٸ, ٷشٸنشٸسٸ –مەسەلەنٸڭ باسقا قىرىنان قارايدى. حالىق تا تٷسٸنبەي دال بولدى.
سٸز بەن بٸزدٸڭ مٸندەتٸمٸز – وسىنىڭ بەرٸن ۇيىمداستىرۋ. پرەزيدەنت سٸزگە تاپسىرما بەردٸ. جەتكٸلٸكتٸدەن دە كٶپ قاراجات بەرٸلدٸ. مۇنىڭ بەرٸ ەندٸ ٸس-ەرەكەتكە بايلانىستى... 400 مىڭ ادام ەكٸنشٸ كومپونەنت العانىن ايتتىڭىز. ەندٸ حالىقتىڭ باسىن قاتىرمايىق, ەكٸ ۆاكتسينا دەسە, ەكەۋٸن دە ەككەندەردٸ ەسەپكە الىڭىزدار», - دەدٸ نۇرلان نىعماتۋلين.
