- بٸلٸم جەنە عىلىم مينيسترلٸگٸ ٷش جىلدا 100 ملن دوللار حالىقارالىق گرانت بٶلۋگە نيەتتٸ, دەپ حابارلادى ۇلت.كز تٸلشٸسٸ «قازاقپارات» اگەنتتٸگٸنە سٸلتەمە جاساپ.
«حالىقارالىق عىلىمي-تەحنيكالىق ورتالىقتىڭ اشىلۋى تۋرالى كەلٸسٸمدٸ راتيفيكاتسييالاۋ ٷدەرٸسٸ جٷرٸپ جاتىر. قازاقستاندا ورتالىق-ازييالىق ٶڭٸردەگٸ حالىقارالىق جوبالاردى, سونداي-اق قازاقستاندىق جوبالاردى قارجىلاندىرۋ بويىنشا شەشٸمدەر قابىلداۋعا قولجەتٸمدٸلٸك بار», - دەدٸ قر تەۋەلسٸزدٸگٸنٸڭ 25 جىلدىعىنا ارنالعان فورۋمدا بعم ۆيتسە-مينيسترٸ اسلانبەك ەمرين.
ونىڭ ايتۋىنشا, بۇل ورتالىق رەسەي فەدەراتسيياسىندا بولعان 20 جىلدا رەسەيلٸك تاراپ جوبالارعا 425 ميلليون دوللار الدى. «بٸز ٷش جىلدا عىلىمي جوبالار ٷشٸن100 ملن دوللارعا دەيٸن حالىقارالىق گرانتتار تارتۋدى بولجاپ وتىرمىز», - دەدٸ ۆيتسە-مينيستر.
حالىقارالىق عىلىمي-تەحنيكالىق ورتالىق 38 مەملەكەت كٸرەتٸن ٷكٸمەتارالىق ۇيىم بولىپ تابىلادى. ورتالىق يادرولىق قارۋدى تاراتپاۋعا جەردەمدەسۋ ماقساتىندا 1992 جىلى قۇرىلعان. باستاپقى كەزەڭدە ەەق, رف, اقش, جاپونييا اراسىنداعى كەلٸسٸمدەرگە قول قويىلدى. ودان ەرٸ وعان ارمەنييا, گرۋزييا, بەلارۋس, قازاقستان, قىرعىزستان, نورۆەگييا, كورەيا, تەجٸكستان قوسىلدى. قازاقستان 1995 جىلدان باستاپ ورتالىق مٷشەسٸ بولىپ تابىلادى. 2015 جىلى حعتو اياسىندا جالپى قۇنى 18 ملرد اقش دوللار بولاتىن 701 جوبا, سونداي-اق سوماسى 2,5 ملن دوللارعا ٸلەسپە باعدارلامالار جٷزەگە اسىرىلدى.
