فوتو: اشىق دەرەككٶز
ماڭعىستاۋدا تۇتاس بٸر وتباسى مٷشەلەرٸ تٷگەلدەي كٶز جۇمدى. الدىن الا دەرەك بويىنشا, وتباسى گازدان ۋلانعان بولۋى مٷمكٸن, دەپ حابارلايدى Ult.kz.
2 ناۋرىزدا ماڭعىستاۋ وبلىسى مۇنايلى اۋدانى باسقۇدىق اۋىلىنداعى جەكە تۇرعىن ٷيدە بٸر وتباسى مٷشەلەرٸ ۋلانىپ قالعان. قۇتقارۋشىلار مەن جەدەل جەردەم بريگادالارى وقيعا ورنىنا جەتكەن كەزدە ٷيدەن جەتٸ ادامدى تاپتى, ولاردىڭ بەسەۋٸ كەمەلەتكە تولماعان بالالار. بارلىعى وقيعا ورنىندا قايتىس بولعان.
"ماڭعىستاۋ وبلىسى تجد-نٸڭ الدىن الا بولجامى بويىنشا, قايعىلى وقيعا گاز جابدىقتارىن پايدالانۋ ەرەجەسٸن بۇزۋ سالدارىنان بولعان. قازا تاپقاندار – قازاقستاندا ۋاقىتشا تۇرىپ جاتقان ٶزبەكستان ازاماتتارى ەكەنٸ انىقتالدى. تٶتەنشە وقيعانىڭ سەبەبٸن انىقتاۋ ٷشٸن ارنايى كوميسسييا قۇرىلدى. ونى ماڭعىستاۋ وبلىسى ەكٸمٸنٸڭ بٸرٸنشٸ ورىنباسارى ەربول ٸزبەرگەنوۆ باسقارادى", - دەلٸنگەن حابارلامادا.
قايتىس بولعان وتباسىنىڭ تۋىستارىنا جان-جاقتى كٶمەك بەرٸلەدٸ, سونىڭ ٸشٸندە جەرلەۋ رەسٸمٸن ۇيىمداستىرۋعا قولداۋ كٶرسەتٸلەدٸ. اتالعان وقيعا ماڭعىستاۋ وبلىسى ەكٸمٸنٸڭ جەكە باقىلاۋىندا.
