قازاقستاندىق بەنزيننٸڭ باعاسى بٸر ليترٸ ٷشٸن 170 تەڭگەنٸ قۇرايدى. بۇل, كٶرشٸلەس تٷرٸكمەنستان, قىرعىزستان, رەسەي جەنە ٶزبەكستانعا قاراعاندا ارزان, دەپ حابارلايدى ەnergyprom.kz.
بەنزين باعاسى ەڭ ارزان ەلدەر رەيتينگٸندە قازاقستان 167 ەلدٸڭ اراسىندا 8-شٸ ورىندى يەلەندٸ. قازاقستاندىق بەنزيننٸڭ قۇنى ليترٸنە 170,2 تگ قۇرادى. تٸزٸمدە ەڭ ارزان بەنزينٸ بار ەلدەر قاتارىندا ۆەنەسۋەلا, يران جەنە انگولا بار.
قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ مەلٸمەتتەرٸ بويىنشا, 2020 جىلعى جەلتوقساندا قازاقستاندا بەنزين بٸر جىل بۇرىنعىعا قاراعاندا سەل قىمباتتادى. وسىلايشا, اي-95/اي-96 باعاسى 0,8% كٶتەرٸلٸپ, ليترٸنە 171,3 تەڭگەنٸ قۇرادى; اي-98-1,4% قىمباتتاپ, ليترٸ 190,2 تەڭگەگە دەيٸن; اي-92 باعاسى 2,7% ٶسٸپ, ليترٸ 150,6 تەڭگەگە دەيٸن جوعارىلادى.
2020 جىلدىڭ قاڭتار-جەلتوقسانىندا قازاقستاندا 4,5 ملن توننا وتىن ٶندٸرٸلدٸ. بۇل, ونىڭ الدىڭعى جىلداعى كٶلەممەن پارا-پار.
