اقش پرەزيدەنتٸ دجو بايدەن ماۋسىمنىڭ سوڭىنا دەيٸن ٶزگە ەلدەرگە كوروناۆيرۋسقا قارسى ۆاكتسينانىڭ كەمٸندە 20 ملن دوزاسىن جٸبەرەدٸ. بايدەننٸڭ سٶزٸنە قاراعاندا, ول جاققا اقش-تا ماقۇلدانعان Pfizer/BioNTech, Moderna جەنە Johnson & Johnson ۆاكتسينالارى جەتكٸزٸلمەك.
وسىعان دەيٸن اقش AstraZeneca-نىڭ 60 ملن دوزاسىن دا ۆاكتسينا زەرۋلٸگٸ مەسەلەسٸمەن كەزٸگٸپ وتىرعان ەلدەرگە جٸبەرمەك بولعان. بٸراق امەريكانىڭ دەرٸ-دەرمەككە جاۋاپتى رەسمي ورىنى اتالعان ەكپەنٸ ەزٸرگە ماقۇلداماعان.
“ەكٸنشٸ دٷنيەجٷزٸلٸك سوعىس كەزٸندە امەريكانىڭ دەموكراتييا ارسەنالى بولعان سيياقتى كوروناۆيرۋسپەن كٷرەس كەزٸندە دە ەلٸمٸز ۆاكتسينا ارسەنالىنا اينالدى” دەدٸ بايدەن.
ول ٶزگە ەلدەرگە قاراعاندا اقش-تىڭ ەلدەقايدا كٶپ ۆاكتسينانى شەتەلگە جٸبەرەتٸنٸن اتاپ ٶتتٸ.
دٷيسەنبٸ كٷنگٸ اقپارات بويىنشا, اقش-تا 272 ملن-نان استام ادامعا Covid-كە قارسى ۆاكتسينا سالىنعان جەنە 340 ملن دوزا تاراتىلعان.
حالىقتىڭ ەرەسەك بٶلٸگٸنٸڭ 60 پايىزدان استامى ۆاكتسينانىڭ كەمٸندە بٸر دوزاسىن العان. بۇل - ەلەم بويىنشا جوعارى كٶرسەتكٸش. حالىقارالىق ۇيىمدار بايدەندٸ كٶپتەن بەرٸ ٶزگە ەلدەرگە ۆاكتسينا جٸبەرۋگە شاقىرىپ كەلەدٸ, بٸراق ول بۇعان دەيٸن ەۋەلٸ اقش-تىڭ ٶزٸندە ٸندەتتٸڭ بەتٸن قايتارىپ الايىق دەپ جاۋاپ بەرگەن بولاتىن.
