باتىس قازاقستان وبلىسىندا جول اپاتىنان ٷش ادام كٶز جۇمدى, دەپ حابارلايدى قازاقپارات.
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 27 قاڭتار كٷنٸ سامارا-شىمكەنت جولىندا تەرەكتٸ اۋدانى پودستەپنىي اۋىلى ماڭىندا بولدى.
شامامەن ساعات 08.50-دە «ۆەنويل» جانار-جاعار ماي ستانساسى تۇسىندا «فولكسۆاگەن شاران» اۆتوكٶلٸگٸنٸڭ جٷرگٸزۋشٸسٸ رۋلگە يە بولا الماي, جول شەتٸندە تۇرعان «مەرسەدەس» جٷك كٶلٸگٸمەن سوقتىعىسۋعا جول بەرگەن.
سونىڭ سالدارىنان 1987 جەنە 1988 جىلعى ەكٸ ەيەل, سونداي-اق 1976 جىلعى ەر ادام وقيعا ورنىندا قازا تاپتى.
جەڭٸل اۆتوكٶلٸكتٸڭ جٷرگٸزۋشٸسٸ مەن ٷش جولاۋشىسى تٷرلٸ جاراقاتپەن اۋرۋحاناعا جەتكٸزٸلدٸ.
قازٸرگٸ كەزدە قر قك 345-بابى 4-بٶلٸگٸنە سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
بقو پوليتسييا دەپارتامەنتٸ جٷرگٸزۋشٸلەرگە جول ەرەجەسٸن قاتاڭ ساقتاۋ كەرەكتٸگٸن ەسكە سالادى.
