باتىس قازاقستان وبلىسىندا 67981 ادام كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸمەن ەگٸلدٸ, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, 31 151 ادام ەكٸنشٸ كومپونەنتٸن الىپ ٷلگەردٸ. ٶڭٸردە تۇرعىنداردى ۆاكتسيناتسييالاۋ جۇمىستارى ودان جٷرگٸزٸلٸپ جاتىر.
باسقارما مەلٸمەتٸنە قاراعاندا, قازٸرگٸ كەزدە «سارى ايماقتا» ايماقتا تۇرعان ٶڭٸردە سوڭعى تەۋلٸكتە 75, بٸر اپتادا 612 ادامنان كوروناۆيرۋس انىقتالدى.
پنەۆمونيياعا شالدىققان 324 ادام ستاتسيوناردا ەمدەلٸپ جاتىر.
كٷنٸ بٷگٸن ينۆازيۆتٸ جاساندى تىنىس الۋ اپپاراتىنا 3, ينۆازيۆتٸ ەمەس قۇرىلعىعا 10, وتتەگٸ كونتسەنتراتورىنا 24, ورتالىقتاندىرىلعان وتتەگٸ كٶزٸنە 90 ادام قوسىلعان.
«وبلىستا 1123 تٶسەكتٸك 18 ينفەكتسييالىق ستاتسيوناردا 400, سونىڭ ٸشٸندە جانساقتاۋ بٶلٸمٸندە 32 ادام جاتىر. 195 تٶسەكتٸك 4 كارانتيندٸك ستاتسيوناردا 13 ناۋقاس بار. ٶتكەن جىلعى قىركٷيەكتەن بەرٸ 1275, بيىل 1070 بالادان ٸندەت تابىلدى. ٸرٸ كەسٸپورىنداردان «جايىقمۇناي» جشس-دا جىل باسىنان بەرٸ 38, «قپو ب.ۆ.» كومپانيياسىندا 145 ادامنان كوروناۆيرۋس شىقتى», دەپ حابارلادى ۆەدومستۆودان.
ەسكە سالا كەتەيٸك, بۇدان بۇرىن بقو-دا كوروناۆيرۋس جۇقتىرعان 27 ناۋقاستىڭ جانساقتاۋ بٶلٸمٸندە جاتىرعانىن جازعان بولاتىنبىز.
