بالالاردى قورعاۋ: ەڭبەك زاڭناماسى تۋرالى نە بٸلۋٸمٸز كەرەك?

فوتو: Pexels.com

حالىقارالىق بالالاردى قورعاۋ كٷنٸ قارساڭىندا قر وقۋ-اعارتۋ مينيسترلٸگٸ بالانى قورعاۋدىڭ اقپاراتتاندىرۋدان باستالاتىنىن تاعى بٸر رەت ەسكە سالدى.

قازاقستاندا بالالار ەڭبەگٸن زاڭسىز پايدالانۋدان قورعايتىن ارنايى ەرەجەلەر بار. بۇل زاڭدار بالالاردىڭ قاۋٸپسٸزدٸگٸ مەن قۇقىقتارىن قامتاماسىز ەتۋگە ارنالعان.

نە بٸلۋ قاجەت?

• جۇمىس ۋاقىتى:

  • 14-16 جاس ارالىعىنداعى جاسٶسپٸرٸمدەر اپتاسىنا 24 ساعاتتان ارتىق جۇمىس ٸستەي المايدى.

  • 16-18 جاس ارالىعىندا بۇل ۋاقىت 36 ساعاتتان اسپاۋى تيٸس.

• جۇمىس شارتتارى:

  • جۇمىس دەنساۋلىققا زييانسىز, قاۋٸپسٸز ورتادا ٶتۋٸ كەرەك.

  • ەڭبەك ەتۋ ٷشٸن اتا-اناڭىزدىڭ رۇقساتى قاجەت.

• تىيىم سالىنعان جاعدايلار:

  • تٷنگٸ ۋاقىتتا (22:00-دەن 6:00-گە دەيٸن) جۇمىس ٸستەۋگە بولمايدى.

  • قوسىمشا جٷكتەمە مەن قاۋٸپتٸ نەمەسە زيياندى جاعدايلاردا جۇمىس ٸستەۋگە قاتاڭ تىيىم سالىنادى.

اتا-انانىڭ رٶلٸ
اتا-انالار بۇل ەرەجەلەردٸ بٸلسە, بالانىڭ قۇقىقتارىن قورعاپ, قاۋٸپسٸز ەڭبەك جاعدايىن قامتاماسىز ەتۋگە كٶمەكتەسە الادى.