قازاق بوكسىنىڭ ماقتانىشى, وليمپيادا چەمپيونى باحتييار ارتاەۆ «Astana Arlans» كەسٸپقوي بوكس كلۋبىنىڭ ديرەكتورى بولىپ تاعايىندالدى. جاڭا قىزمەتكە كەلگەنٸن سپورتشىنىڭ ٶزٸ راستاعان, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«Astana Arlans»» بوكس كلۋبىنىڭ ديرەكتورى بولعانىم راس. بۇيرىق بٷگٸن شىقتى», - دەپ ارتاەۆ تەلەفون ارقىلى قۋانىشىمەن بٶلٸسكەن.
ايتا كەتسەك, باقتييار عاريفوللاۇلى ارتاەۆ 1983 جىلى 14 ناۋرىزدا تاراز قالاسىندا ٶمٸر ەسٸگٸن اشقان. وليمپيادا چەمپيونى, ۆەل باركەر كۋبوگىنىڭ يەگەرٸ, حالىقارالىق سپورت شەبەرٸ, 1-دەرەجەلٸ بارىس وردەنٸنٸڭ يەگەرٸ. 2004 جىلعى گرەكييانىڭ افينا قالاسىندا ٶتكەن وليمپيادادا بوكستان 69 كەلٸ سالماق اراسىنداعى جارىس چەمپيونى, ەرەسەكتەر اراسىندا بوكستان دٷنيە جٷزٸ چەمپيوناتىنىڭ قولا جٷلدەگەرٸ (2005 جىل قاراشا ميانيان قالاسى, قىتاي). 7 دٷركٸن قازاقستان چەمپيونى.
بۇعان دەيٸن باحتييار ارتاەۆ «تارلان باتىرلارى» جشس-ٸن باسقارىپ كەلگەن.
